சிம்மம் செப்டம்பர் மாத ராசி பலன் 2020 | September Matha Simmam Rasi Palan 2020

சிம்மம் செப்டம்பர் மாத பொதுப்பலன்கள்:

சிம்ம ராசி அன்பர்களே! இது, அனைத்து வகையிலும் உங்களுக்கு நல்ல வளர்ச்சி தரும் மாதமாக இருக்கும். தொழில் ரீதியாக, பல நன்மை பயக்கக்கூடிய வாய்ப்புகள் உருவாகக்கூடும். பணிபுரிபவர்களுக்குப் பதவியில் முன்னேற்றமும் ஏற்படலாம். இவை வருங்காலத்தில் உங்களுக்கு நல்ல சாதகமும், ஆதரவும் அளிக்கும். கடினமாக உழைத்து, அதிக உற்பத்தித் திறனை, நீங்கள் அடையும் காலம் இது. எனினும் சூழ்நிலைகள், சில சமயங்களில், உங்கள் பொறுமையைச் சோதிக்கலாம். ஆயினும், எளிதில் நம்பிக்கை இழந்து விடாதீர்கள். உங்கள் உடல் நிலையில் நல்ல முன்னேற்றம் காணப்படும், என்றாலும், ஆரோக்கியத்தில் கவனம் செலுத்துவது நல்லது. தாயின் உடல்நிலையில் முன்னேற்றம் ஏற்படும். பொதுவாக, குடும்ப விஷயங்களில் நீங்கள் பொறுமையைக் கடைப்பிடிப்பது நல்லது. ஜோதிடம், ராசி பலன், நட்சத்திர பலன், இன்றைய பஞ்சாங்கம், வார ராசி பலன்கள், வருடாந்திர ராசி பலன்கள், பரிகாரங்கள் பற்றி மேலும் அறிய எங்கள் வலைத்தளம் வாருங்கள்.  

காதல் மற்றும் திருமண வாழ்க்கை:

காதல் மற்றும் திருமணத்திற்கு, இது சுமாரான காலமாகும். இந்த நேரத்தில், திருமணமானவர்களுக்குள் பிரிவினைகள் ஏற்படும் சாத்தியம் உள்ளது. எனவே எச்சரிக்கையாக இருக்கவும். திருமணத்திற்குக் காத்திருப்பவர்கள், புண்ணியத் தலங்களுக்குச் சென்று வர, அவர்களுக்குக் திருமணம் கைகூடி வரும் வாய்ப்புள்ளது. 

நிதி:

உங்கள் நிதிநிலை சிறப்பாக இருக்கும். செய்தொழிலில் அதிக லாபங்கள் கிடைக்க வாய்ப்புள்ளது. அதனால் உங்கள் சேமிப்பைப் பெருக்குவதற்கு இது சரியான நேரம் எனலாம். எதிர்காலத் தேவைகளுக்காக, நீங்கள் சில நிதி திட்டங்களில் முதலீடுகளும் செய்யக்கூடும். 

வேலை:

பணியில் உள்ளவர்கள், புதிய தொழில் நுட்பங்களால் நல்ல அனுபவத்தைப் பெறுவார்கள். உடன் பணியாற்றும் ஊழியர்களும் உங்களுக்கு ஆதரவு அளிப்பார்கள். இந்த மாதம் ஒரு சிலருக்கு வேலையில் இடமாற்றம் ஏற்படலாம். அலுவலகத்தில் பல பிரச்சனைகளும் வந்து விலகக்கூடும். 

தொழில்:

தொழில் முன்னேற்றம் வெகுச் சிறப்பாக அமையும். உங்களது துணிச்சலான அணுகுமுறையும், சுதந்திர இயல்பும் உங்கள் தொழில் வளர்ச்சிக்கு மிகவும் உறுதுணையாக இருக்கும். ஆனால், சில நேரங்களில் உங்களுக்கு வெற்றி தாமதமாகக் கிடைக்கலாம். எனினும், நீங்கள் இப்பொழுது நிச்சயமாக வெற்றியடைவதோடு, நீடித்த கௌரவமும் பெறுவீர்கள். 

தொழில் வல்லுநர்கள்:

சிம்ம ராசி தொழில் வல்லுநர்களின் செயல்திறன் மூலம் அவர்களுக்கு நன்மையான பலன்கள் கிடைக்கும். சில தாமதங்கள் ஏற்பட்டாலும், தொழில் முன்னேற்றம் ஏற்படும். உங்களுக்குப் பதவி உயர்வு அல்லது புதிய வேலை கிடைப்பதற்கான வாய்ப்புகளும் உள்ளன. 

ஆரோக்கியம்:

இந்த மாதம் சிலருக்குக் கபம் சம்பந்தப்பட்ட வியாதிகள் ஏற்பட்டு விலகக்கூடும். எண்ணெய் உணவு உட்கொள்வதன் காரணமாக, செரிமானப் பிரச்சினைகளாலும் சிலர் பாதிக்கப்படலாம். இருந்தாலும், பொதுவாக உங்கள் ஆரோக்கியத்திற்கு எந்தக் குறையும் இருக்காது. இப்பொழுது நீங்கள் நல்ல உடல் நிலையுடனேயே இருப்பீர்கள். 

மாணவர்கள்:

மாணவர்களைப் பொறுத்தவரையில், இது ஒரு நல்ல காலமாக அமையும். இந்த நேரத்தில் உங்கள் படிப்பு சீரான போக்கில் செல்லும். எனினும், நண்பர்களுடன் நீங்கள் நல்லுறவை வளர்த்துக் கொள்வது உங்களுக்கு நலம் தரும். மன நிலையைக் கட்டுப்பாட்டுக்குள் வைத்திருப்பதும், உங்களுக்கு நன்மை பயக்கும். 

சுப தினங்கள் : 7,8,12,13,24,25,26. 
அசுப தினங்கள் : 1,4,5,6,14,15,27,28.

பரிகாரம்:

• குருவாயூர் ஸ்ரீ கிருஷ்ணர் மற்றும் திருக்கடையூர் தேவி அபிராமி வழிபாடு, பூஜை மற்றும் ஆலயங்கள் சென்று வழிபடுதல்.
• சூரிய பகவான், குரு, சனி, ராகு, கேது போன்ற கிரக மூர்த்திகளுக்குப் பூஜை, ஹோமம் மற்றும் ஆலயங்கள் சென்று வழிபடுதல்.
• பாம்புப் புற்றுக்குப் பால் வார்த்தல். கோவில்களில் திருப்பணி செய்தல்.