கன்னி ராசி சனி பெயர்ச்சி பலன்கள் 2023-2026 | Kanni Rasi Sani Peyarchi Palangal 2023-2026

கன்னி ராசி சனி பெயர்ச்சி 2023 பொதுப் பலன்கள் :

கன்னி ராசி அன்பர்களே! உங்கள் ராசிக்கு ஆறாம் வீட்டில் சனி பெயர்ச்சி ஆகிறார். இது நல்ல பெயர்ச்சி என்றே கூறலாம். பொதுவாக சனி 3வது ,6வது, மற்றும் 11வது வீட்டிற்கு பெயர்ச்சி ஆவது நன்மை என்றே கூறலாம். ஆறாம் வீடு என்பது எதிரிகளைக் குறிக்கும். எனவே நீங்கள் உங்கள் எதிரிகளை வெல்வீர்கள். சனி பலன்களை மெதுவாக அளித்தாலும் கண்டிப்பாக பலன் அளிக்கத் தவறமாட்டார். சனி பெயர்ச்சி 2023 ஒரு பயனுள்ள மற்றும் சாதகமான ஆண்டாக இருக்கும், ஏனெனில் இந்தக் காலக் கட்டத்தில் அதிர்ஷ்டம் உங்களுக்கு சாதகமாக இருக்கும். 

 சனிப்பெயர்ச்சி 2023-2026 - சனி பெயர்ச்சி சிறப்பு ஹோமம் மற்றும் பூஜையில் பங்கு கொள்ளுங்கள்

 

உத்தியோகம்:

ஆறாம் வீடு என்பது வேலையையும் குறிக்கும்.  எனவே நீங்கள் இந்த காலக்கட்டத்தில் சதா சர்வ காலமும் வேலை வேலை என்றே இருப்பீர்கள். உங்கள் பணிகள் அதிகரிக்கும். உத்தியோகத்தில்  முன்னேற்றம் இருக்கும். புதிய விஷயங்களை கற்றுக் கொள்வீர்கள். பணியில் உங்கள் திறமைகளை வளர்த்துக் கொள்வீர்கள். அடுத்த கட்டடத்திற்கு முன்னேறுவீர்கள்.  உங்கள் எதிரிகள் உங்களை விட பலமாக இருப்பார்கள் என்பதால் நீங்கள் கவனமாக நடந்து கொள்ளுங்கள்.  நீங்கள் பணியில் பொறுப்புகளை உணர்ந்து நடந்து கொள்வீர்கள்.  

காதல் / குடும்ப உறவு

குடும்ப உறவுகள் சிறப்பாக இருக்கும். கடந்த காலத்தில் நீங்கள் சந்தித்த கசப்பான அனுபவங்கள் எல்லாம் மறந்து போகும்.  சொந்த பந்தங்கள் உங்கள் கருத்துகளுக்கு மதிப்பு அளிப்பார்கள். அதனை வரவேற்பார்கள். வதந்தி அல்லது புரளி பேசாதீர்கள். குடும்ப உறுப்பினர்களை அனுசரித்து நடந்து கொள்ளுங்கள்.  இதனால் உறவு வலுப்படும். ஒரு சிலருக்கு காதல் உறவு கைகூடும்.

திருமண வாழ்க்கை:

திருமணத்திற்குக் காத்திருப்பவர்களுக்கு திருமணம் கைகூடும். திருமணமான தம்பதிகள் பரஸ்பரம் ஒற்றுமையுடன் இருப்பார்கள். புரிந்துணர்வு காரணமாக இருவருக்கும் இடையே நெருக்கம் அதிகரிக்கும்.

நிதிநிலை:

செலவுகளைத் தவிருங்கள். ஆடம்பர பொருட்கள் மீதான ஆர்வம் உங்களை அதிகம் செலவு செய்ய வைக்கும். எனவே உங்கள் செலவுகளை திட்டமிட்டு மேற்கொள்ளுங்கள். பணத்தை செலவு செய்வதற்கு முன் நன்றாக யோசியுங்கள். உங்கள் தேவைகளை நிறைவேற்றிக் கொள்ள உங்களில்  ஒரு சிலர் கடன் வாங்க நேரலாம்.  தொழில் சம்பந்தமாக பணத்தை முதலீடு செய்வீர்கள். அதில் லாபம் காண சிறிது கால தாமதம் ஆகும். முதலீடுகளை மேற்கொள்வதற்கு முன் நன்றாக யோசித்து முடிவெடுங்கள்.  

மாணவர்கள்:

மாணவர்கள் சிறப்பாகக் கல்வி பயில்வார்கள். அவர்களின் கனவுகள் யாவும் நனவாகும்.  ஆர்வம். திட்டமிடல் மற்றும் கவனம் முன்னேற்றத்திற்கு உதவும். படைப்பாற்றல், புதுமை ஆகியவை வெளிப்படும். நீங்கள் புதிய விஷயங்களை கற்றுக் கொள்வீர்கள். உங்கள் திறமையை வளர்த்துக் கொள்வீர்கள். தேர்வில் அதிக மதிப்பெண்களைப் பெறுவீர்கள். புகழும் அங்கீகாரமும் கிட்டும்.

ஆரோக்கியம்:

உங்கள் ராசிக்கு ஆறாம் வீட்டில் சனியின் சஞ்சாரம் என்பதால் உங்கள் ஆரோக்கியம் சீராக இருக்க வாய்ப்ப்பில்லை. உங்கள் ஆரோக்கியத்தில் கவனம் தேவை. மருத்துவம் சார்ந்த எதிர்பாராத செலவுகளை நீங்கள் மேற்கொள்ள நேரலாம்.  நீங்கள் ஆரோக்கியமாக இருந்தாலும் கிரக நிலைகள் காரணமாக சில உபாதைகளை சந்திக்க நேரலாம். மருத்துவ பரிசோதனை மேற்கொள்வது நல்லது. ஒரு சிலருக்கு முட்டி சம்பந்தமான பிரச்சினைகள் எழலாம். பச்சை காய்கறிகளை உணவில் சேர்த்துக் கொள்ளுங்கள். யோகா தியானம் மற்றும் உடற்பயிற்சி மேற்கொள்ளுங்கள்.

பரிகாரங்கள் :-

• சனிக்கிழமை உடல் ஊனமுற்றவர்களுக்கு அன்னதானம் மேற்கொள்ளுங்கள்
• ஒவ்வொரு சனிக்கிழமையும் கணபதி, ஆஞ்சநேயர் மற்றும் விநாயகரை வழிபடுங்கள். ஹனுமார் சாலீஸாவை பாராயணம் செய்யுங்கள்.
• சனிக்கிழமை ஏழை எளியவர்களுக்கு போர்வை மற்றும் ஆடை தானம் செய்யுங்கள்
• அசைவம் மற்றும் மது இவற்றை சனிக்கிழமை தவிருங்கள்
• சனிக்கிழமை நாய், காகம் மற்றும் பறவைகளுக்கு உணவு மற்றும் தண்ணீர் அளியுங்கள்
• மருத்துவமனைக்கு முடிந்த அளவு தொண்டு செய்யுங்கள்