நவகிரகங்கள் | Navagrahangal

இந்து மத வழிபாட்டில் நவகிரகங்கள் முக்கிய பங்கு வகிக்கிறது. இந்த நவகிரகங்களை தமிழில் கோள்கள் என்கிறோம். ஒருவரது வாழ்க்கையை தீர்மானிக்கிற ஜாதகம் இந்த நவகிரகங்கள் அமைந்துள்ள நிலையைப் பொறுத்தே அமைகிறது. வாழ்க்கையில் ஏற்படும், சுக, துக்கங்கள், ஏற்றங்கள், இறக்கங்கள், தடங்கல்கள், தடைகள், வரப்போகும் சிக்கல்கள், ஆபத்துகள் என சகல நிகழ்வுகளையும் இந்த நவகிரகங்களே தீர்மானிக்கின்றன. பிறவிச் சுழற்சியில் ஒருவரது முன்வினைப் பயன்களைப் பொறுத்தே இந்த நவகிரகங்கள் அவரவர் ஜாதகத்தில் அமைகிறது. ஆக நவகிரகங்கள் ஒருவரது வாழ்வில் விதியை தீர்மானிக்கும் காரணியாக விளங்குகிறது. இந்த நவகிரகங்களே நமக்கு வருகின்ற பிரச்னைகளுக்கான தீர்வையும், வழியையும் காட்டுகிறது. இந்தக் கட்டுரையில் நவகிரகங்கள் பற்றியும், அதன் தன்மைகள் பற்றியும், நவகிரகங்களுக்கென்று அமையப் பெற்ற ஆலயங்களைப் பற்றியும் நாம் காண்போம்.