மேஷம் ராசி குரு பெயர்ச்சி பலன்கள் 2021 - 2022

கிரகங்களிலேயே பூரண சுபர் மற்றும் சாத்வீக கோளான குரு பகவான் நவம்பர் 21, 2021, ஞாயிற்றுக் கிழமை அன்று மதியம் 02:06 இந்திய நேரப்படி மகர ராசியில் இருந்து கும்ப ராசிக்கு பெயர்ச்சி ஆகிறார். கும்ப ராசியானது மேஷ ராசிக்கு லாபஸ்தானமான பதினொன்றாம் வீடாக அமைவதால் மிகுந்த நன்மைகளை வாரி வழங்கக்கூடியதாக குரு கிரகப் பெயர்ச்சி திகழப்போகிறது. அவர், பதினொன்றாம் பாவத்தில் நின்று ஐந்தாம் பார்வையாக மூன்றாம் பாவத்தையும், ஏழாம் பார்வையாக ஐந்தாம் பாவத்தையும், ஒன்பதாம் பார்வையாக ஏழாம் பாவத்தையும் பார்வையிடப்போகிறார். குரு பலம் பெற்ற இந்த குருப்பெயர்ச்சியானது மேஷ ராசியைச் சார்ந்தவர்களுக்கு அனைத்து விதமான ஆசைகளையும் நிறைவேற்றிக் கொள்ள ஏதுவான வருடமாக இருக்கப்போகிறது.

உங்கள் இளைய உடன் பிறந்தவர்கள், சக ஊழியர்கள் மற்றும் அயலார்களுடன் நல்ல உறவு நிலை இருக்கும். பொழுது போக்குகள் மற்றும் சுற்றுலா மீதான ஆர்வம் அதிகரித்துக் காணப்படும். உங்கள் மூத்த உடன்பிறப்புகள், மருமகன் மற்றும் மருமகளுடனான உங்கள் உறவு சீராக இருக்கும். உங்கள் குழந்தைகள், தாய் மற்றும் உறவினர்கள் ஆகியோரிடமும் சுமூகமான உறவு நிலை காணப்படும்.

பரிகாரம்: செவ்வாய் பூஜை

உத்தியோகத்தில் பணிச்சுமை காரணமாக தூக்கமின்மை பிரச்சனை ஏற்படலாம். தூக்கமின்மை பிரச்சனைக்குத் தியானம் மற்றும் நடைப் பயிற்சி நன்மை பயிக்கும். செரிமானம் தொடர்பான பிரச்சனைகள் ஏற்படலாம். சத்தான மற்றும் சரிவிகித உணவை உட்கொள்வதன் மூலம் இதைச் செய்யலாம். உணவு உண்பதைத் தவிர்ப்பதையும், உணவு உட்கொள்வதை தாமதப்படுத்துவதையும் தவிர்க்கவும்.

உடல் ஆரோக்கியம் மேன்மை அடைய செவ்வாய் பூஜை

தங்கள் காதலை வெளிப்படுத்த மிக உகந்ததாக இந்த குருப்பெயர்ச்சி அமையப்போகிறது. காதலர்களுக்கு இடையே அன்யோன்யம் அதிகரிக்கும். கணவன் மனைவிக்கு இடையே நல்லுறவு கூடும். தங்களுடைய துணைக்கு ஆடை மற்றும் ஆபரணத்தை பரிசாகக் கொடுப்பீர்கள்

பரிகாரம் லக்ஷ்மி பூஜை

இந்த குருப்பெயர்ச்சியில் தன நிலை சீராகவும் ஏற்றம் மிகுந்தும் காணப்படும். அதிக அல்லது தேவையற்ற செலவுகள் இந்த குருப்பெயர்ச்சியில் இருக்காது. நிதி நிலை ஸ்திரத்தன்மையுடனும் செல்வச் செழிப்பு மிகுந்ததாகவும் இருக்கும். வெளிநாட்டு வியாபாரத்தில் ஈடுபட்டிருப்பவர்களும், கணிசமான வருமானம் காண்பார்கள். ஊக வணிகமான பங்கு மற்றும் பொருள் வர்த்தகத்தில் ஈடுபடுபவர்கள் தன நிலையில் ஏற்றம் காண்பார்கள்.

பொருளாதாரத்தில் ஏற்றம் காண குரு பூஜை

உத்தியோகத்தில் உள்ளவர்களுக்குப் பணியில் உயர்வு ஏற்படும் என்றாலும் பணிச் சுமையும் கூடும். வருமானத்தில் உயர்வும் கிடைக்கும். உங்கள் கடின உழைப்பிற்கு மேலதிகாரிகளின் அங்கீகாரமும் பாராட்டும் கிடைக்கும். பணி செய்யும் இடத்தில் புதிய பொறுப்புகள் தேடிவரும். வேலை தேடிக் கொண்டு இருக்கும் அன்பர்களுக்கு சிறந்த வேலை கிடைக்கும் வாய்ப்பும் உள்ளது. கூட்டுத் தொழிலில் இருப்பவர்கள் அதிக லாபத்தை எதிர்பார்க்கலாம். பழங்கள் மற்றும் காய்கறி வியாபாரத்தில் ஈடுபடுபவர்கள் நல்ல முன்னேற்றத்தைக் காண்பார்கள். பலசரக்கு. வியாபாரம் செய்பவராக இருந்தால் தன நிலையில் நல்ல ஏற்றத்தைக் காணலாம். தொழிலில் போட்டியாளர்கள் அதிகம் இருந்தாலும் அவர்களை எல்லாம் எதிர் கொண்டு நீங்கள் வெற்றி காண்பீர்கள். ஊடகத்துறை, பொறியியல் துறை மற்றும் மருத்துவத் துறையில் இருப்பவர்கள் சிறந்த வகையில் வருமானம் ஈட்டுவார்கள். பிற துறைகளைச் சார்ந்தவர்களுக்கு புதிய தொழில் வாய்ப்புகள் மூலம் முன்னேற்றம் உண்டாகும். உங்களுக்கு அங்கீகாரம் கிட்டும். நீங்கள் தன்னம்பிக்கையுடன் செயல்பட்டு குறித்த நேரத்தில் பணிகளை முடிப்பீர்கள்.

உத்தியோகம் மற்றும் தொழிலில் நல்ல முன்னேற்றம் காண சனி பூஜை

கல்வியில் முன்னேற்றம் மிதமானதாக இருக்கும் மற்றும் கல்வி முயற்சிகளில் பெரும் வெற்றிகள் பெற நல்ல முயற்சிகள் எடுத்துப் படிப்பது நன்மை பயக்கும். வெளிநாட்டில் படிப்பவர்கள் சராசரியான வெற்றி விகிதத்தைக் காண்பார்கள். முதுகலைப் பட்டம் படிக்கும் மாணவர்கள் சிறந்த முறையில் வெற்றி காண்பார்கள். படித்து முடித்து வேலை தேடும் மாணவர்கள் சிறந்த சம்பளத்துடன் கூடிய வேலை கிடைக்கப் பெறுவார்கள். வெளிநாடு சென்று படிக்க நினைக்கும் மாணவர்கள் தங்கள் விருப்பம் நிறைவேறக் காண்பார்கள்.

மாணவர்களின் கிரகிக்கும் திறன் கூட கணேஷ பூஜை

வியாழக் கிழமை அன்று மஞ்சள் ஆடை உடுத்தவும்

குரு ஸ்தானத்தில் இருப்பவர்களுக்கு வஸ்திர தானம் செய்யவும்

சிறு யானை சிலையை வாங்கி வீட்டு வறவேற்பு அறையில் வைக்கவும்