பொதுப் பலன் : மேஷ ராசி (Mesha Rasi) அன்பர்களே! இந்த புத்தாண்டின் ஆரம்பம் உங்களுக்கு மிதமான பலன்களே தரும் வகையில் உள்ளதென்றாலும் புதிய நண்பர்கள் மற்றும் நட்பு வட்டாரத்தை விரிவு படுத்தும் வாய்புக்களை அது கொண்டு வரும். இந்த ஆண்டு அக்டோபர் மாதம் வரையில் குரு பகவான் துலா ராசியான ஏழாம் இடத்தில் சஞ்சாரம் செய்வதால் உங்கள் வாழ்க்கையில் புதிய கூட்டாளிகள் மற்றும் நண்பர்கள் முக்கியப் பங்கு வகிப்பார்கள். உங்கள் நட்பு வட்டாரம் விரிவடையும் மற்றும் அவர்களிடையே உங்கள் புகழ் ஓங்கி வளரும். நண்பர்கள் மூலம் பலன் அடைவீர்கள். தொலை தூரம் மற்றும் வெளி நாட்டில் வாழும் நண்பர்களால் ஆதாயம் உண்டு. புதிய சொத்து மற்றும் வாகனத்தின் மூலம் குடும்பத்தில் மகிழ்ச்சி உண்டாகும். புனித ஆன்மீக யாத்திரை உங்கள் மனதிற்கு ஆறுதல் மற்றும் பாதுகாப்பு தரும். நீங்கள் எல்லோரிடமும் நல்ல உறவு முறைகளை பராமரிப்பீர்கள். ஆண்டின் முதல் பாதியில் சுகாதரச் செலவுகள் இருக்கும். தாய் மற்றும் துனையாரின் உடல் நிலை பற்றிய கவலை இருக்கும். பூர்விக சொத்து பிரச்சனைகளுக்கான தீர்வுகள் கிடைப்பது கடினம். ஆண்டின் பிற்பகுதியில் ஆரோக்கியம் மற்றும் பண விஷயங்கள் தீர்வுக்கு வரும். பொறுமை மற்றும் விடாமுயற்சி தடைகளை நீக்கி உங்களுக்கு வெற்றியைப் பெற்றுத் தரும்.
புத்தாண்டு ராசி பலன்கள் 2018 - மேஷம் : Mesha Rasi 2018 (Aries)
November 17, 2017
|
Total Views :
4,238
https://www.youtube.com/embed/TlvB1gBh5XA
காதல் /உறவுகள்:
காதல் விவகாரங்கள் ஆண்டின் பிற்பகுதி வரை சாதகமாக இல்லை.மே 2018க்குப் பிறகு புதிய உறவுகள் ஏற்படலாம். திருமணம் எதிர் பார்த்துக் கொண்டிருப்பவர்களுக்கு ஆண்டின் பிற்பகுதியில் திருமணம் கைகூடும். தம்பதிகளிடையே சில சலசலப்புகள் ஏற்பட வாய்ப்பு உண்டு. நல்ல புரிந்துணர்வு மூலம் அமைதி கிடைக்கலாம்.
தொழில் / உத்தியோகம்
தொழிலில் உன்னதமான நிலை இருக்கும். சிறப்பாக பணியாற்றுவதன் மூலம் உங்கள் தகுதி மற்றும் திறமை அபாரமாக வெளிப்படும். இலக்குகளை அமைத்து அதை நடைமுறைப் படுத்துவதன் மூலம் சிறந்த பலன் அடைவீர்கள். எதிர்பாராத நேர்மறையான மாற்றங்கள் உங்களை கவர்ந்திழுக்கும், மேலும் அவை உங்களை உற்சாகமான சூழலில் வைத்திருக்கும்.
ஆண்டின் பிற பகுதியில் பணிச் சுமை அதிகரிக்கும். உங்கள் மேலதிகாரிகள் மூலம் வேலை மலை போல குவியும். தொழில் செய்பவர்களுக்கு இந்த ஆண்டு முழுவதும் சுமுகமாக இருக்கும். சிலர் புதிய ஒப்பந்தகளைப் பெறலாம். புதிய வேலைக்கான ஆர்வமுள்ள இளைஞர்கள் மற்றும் வேலை மாற்றத்தினை விரும்புவோர் 2018 மே மாதத்திற்குப் பிறகு வெற்றி பெறுவார்கள். கட்டிடக்ககலையினர், வேதியியலாளர்கள், சிவில் சேவை நபர்கள், ஆன்மீக தலைவர்கள் மற்றும் சமூக ஆர்வலர்கள் இந்த ஆண்டு முழுவதும் சிறப்பாக செயல்படுவார்கள். அதே வேளையில் தகவல் தொழில் நுட்பம் மற்றும் பொழுதுபோக்கு துறையைச் சார்ந்தவர்கள் ஆண்டின் பிற்பகுதியில் நன்மை அடைவார்கள்
நிதி நிலைமை
பண வரவு திருப்திகரமாக அமையாது. எதிர் பாராத செலவினங்களை சந்திக்க நேரிடும். ஆடம்பர செலவுகள் செய்தல் கூடாது. உங்களால் முடிந்த அளவு மற்றவர்களுக்கு உதவி செய்தால் நன்மை கிடைக்கும். வரவுக்குள் செலவை அடக்குங்கள். நிதி நெருக்கடியை சில சமயம் சமாளிக்க தயாராக இருங்கள். 2018 ஆம் ஆண்டு மே மாதத்திற்கு முன்னர் எந்தவொரு நிதி மற்றும் முதலீடுகளைச் செய்யாதிர்கள். குறிப்பாக, எதிர்பாராத அபராதத் தொகை உங்கள் வரவு செலவு திட்டங்களை பாதிக்க வாய்ப்புள்ளது. கவனமாக உங்கள் பில்கள் மற்றும் கட்டணங்களை கண்காணித்து சரியான நேரத்தில் அவற்றை செலுத்துங்கள். மேஷ ராசி (Mesha Rasi) அன்பர்களில் சிலர் கடன்களை சிறிது சிறிதாக செலுத்தி அதிலிருந்து மீள்வார்கள். சிறந்த பண நிர்வாகத்தின் காரணத்தால் வருடத்தின் இடைப் பகுதியில் நிதிச் சுமை குறைந்து காணப்படும். வருடத்தின் பிற்பகுதியில் நிதி நிலைமை நேர்மறையாகவும் ஊக்கமளிப்பதாகவும் உள்ளது. நீங்கள் கொடுத்த கடனை கேட்பதன் மூலம் திரும்பப் பெறலாம். வழக்குகளில் சமரசம் மற்றும் தீர்வுகள் தாமதமாகலாம். அதிகாரப்பூர்வ ஆவணங்களையும் செயல்களையும் ஒரு முறைக்கு இருமுறை ஆராய்வதன் மூலம் எதிர்காலத்தில் சட்ட சிக்கல்களுக்கு இட்டுச்செல்லும் தேவையற்ற சர்ச்சைகளைத் தவிர்த்து பிரச்சினைகளின் தீவிரத்தை குறைக்கலாம். தொழில் செய்யும் மேஷ ராசி அன்பர்கள் எச்சரிக்கையாக இருக்க வேண்டும்.தொழிலை விரிவு படுத்த பெரிய முதலீடுகளை ஈர்ப்பதன் மூலம் நீங்கள் தவறான அல்லது விரைவான நடவடிக்கைகளை எடுக்கும் வாய்ப்பு உள்ளது. இதனால் கடன் உருவாகி சட்ட சிக்கல்கள் ஏற்பட வாய்ப்பு உள்ளது. 2018 ஜூன் வரை, குடும்பம் மற்றும் வணிக நிதிகளில் கட்டுப்பாட்டை வைத்துக் கொள்வது நல்லது
மாணவர்கள்:
மேஷ ராசி மாணவர்கள் கல்வியில் வெற்றி பெற அதிக கவனம் செலுத்த வேண்டும். உங்கள் இலக்குகளை குறித்துக் கொண்டு உங்கள் ஆற்றலில் கவனம் செலுத்தி கனவுகளை நனவாக்குங்கள்.உங்கள் இலக்குகளை அடைய ஒழுக்கத்துடனும் உறுதியுடனும் செயலாற்றுங்கள். கூட்டாக சேர்ந்து படிப்பது ஆதாயம் பெற்றுத் தரும் என்பதால் அந்த வாய்ப்பைத் தவற விடாதீர்கள். பெற்றோரின் நன்றிக்கு பாத்திரமாகி அவர்களின் ஆசி பெறுங்கள்.
ஆரோக்கியம்:
இந்த ஆண்டின் முதல் பகுதி உங்கள் உடல் நலத்திற்கு சாதகமாக உள்ளது. முந்தைய நோய்களிலிருந்து விடுபடுவீர்கள்.உங்கள் வாழ்க்கைத் துணையாரின் உடல் நலம் சற்று கவலை அளிக்கும். நீங்களும் உங்கள் குடும்பத்தாரும் ஆரோக்கியமான உணவை அருந்துங்கள். வெட்டுக்கள் மற்றும் காயங்கள் ஏற்பட வாய்ப்பு உள்ளது. விபத்துக்கள் தவிர்க்க முடியாதது. பயணத்தின் பொழுது ஜாக்கிரதையாக இருக்கவும். கூரான பொருட்களை கையாளும் பொழுது கவனமாக இருக்கவும். ஜாக்கிரதையாக இருப்பதன் மூலம் உடலுக்கு ஏற்படும் தீங்குகளை குறைக்கலாம்.உங்கள் உடலைப் போற்றுங்கள். ஆன்மீக யாத்திரை அமைதி மற்றும் நேர்மறை என்னத்தை ஏற்படுத்த உதவும்.
இந்த ஆண்டு பின்பற்றப்பட வேண்டிய தொண்டு நடவடிக்கைகள் /வீட்டு பரிகாரங்கள்
Leave a Reply