தனுசு ராசி – பொதுப்பலன்கள் தனுசு ராசிக்காரர்களே தன் கையே தனக்கு உதவி என்பது போல உங்கள் சொந்த முயற்சியால் வாழ்க்கையில் முன்னேற்றத்தை அடையப் போகிறீர்கள். அனைவரிடமும் வெளிப்படையாகப் பேசும் உங்கள் சிறந்த தன்மையால் நன்மதிப்பைப் பெறுவீர்கள். உங்கள் தொழிலை விரிவுபடுத்தும் போது கவனமாகச் செயல்படுங்கள். ஒரு முறைக்குப் பல முறை யோசித்து ஒவ்வொரு விஷயத்தையும் கையாளுங்கள். அது முன்னேற்றத்தைத் தரும். மேலும் உங்களுடைய வாழ்க்கையில் ஏற்பட்ட அந்த முன்னேற்றம் காரணமாக அசையும் சொத்து, அசையா சொத்துகளை வாங்குவதற்கு வாய்ப்புகள் அதிகம் உள்ளன. தொழிலில் உங்கள் பன்முக திறமைகள் வெளிப்படும். அதிக ஆற்றலுடன், மிக உற்சாகமாகக் காணப்படுவீர்கள். பல தரப்பட்ட சலுகைகள் உங்களைத் தேடிவரும். குடும்பத்தினருடனும், உங்கள் கூட்டாளிகளுடனும் மகிழ்ச்சியோடு நேரத்தைச் செலவிடப் போகிறீர்கள். மொத்தத்தில் இந்த மாதம் பெரியளவில் ஏற்றத்தைத் தரக்கூடிய மாதம் ஆகும். தனுசு ராசி – காதல் / திருமணம் உங்கள் காதல் உறவு உங்கள் இருவரின் அதிக புரிந்துணர்வு காரணமாகவும் தீவிர அன்பினாலும் பலப்படும். உங்கள் வாழ்க்கைத் துணையுடனான உறவு கரும்பைப் போல் இனிக்கும். உங்கள் துணை உங்களை நன்றாகப் புரிந்து கொண்டு அதற்கு ஏற்ப நடந்து கொள்வார். உங்கள் குடும்ப வாழ்க்கையில் விட்டுக்கொடுத்துச் செல்வதும் நம்பிக்கை உணர்வும் மிக அத்தியாவசியமான ஒன்றாகும். இந்தக் காலகட்டம் உங்களுக்கு வாழ்க்கையைப் பற்றிய புது நம்பிக்கையைக் கொடுக்கும். உங்கள் இருவருக்குமான உறவுநிலை மேம்படும். கொடுத்த வாக்குறுதிகளை நிறைவேற்றி நல்ல மதிப்பைப் பெறுவீர்கள். திருமண வாழ்வில் நல்லிணக்கம் காண பரிகாரம்: செவ்வாய் பூஜை தனுசு ராசி – நிதி நிலைமை தனுசு ராசிக்காரர்களுக்கு இது யோகமான மாதமாகும். நீங்கள் எதிர்பார்த்த ஊதியம் கிடைக்கப் பெறுவீர்கள். ஆனால் அதற்கு ஏற்ப செலவுகளும் காத்திருக்கும். பொறுப்புடன் செயல்படுங்கள். உங்களுடைய சொத்து அடமானம் வைத்தோ அல்லது வங்கிக் கடன் பெறுவதன் மூலமோ நன்மைகள் பலவற்றை அடைவீர்கள். கொடுத்த பணத்தை திரும்பப் பெறுவது என்பது அரிதினும் அரிதான விஷயமாகி விட்டது. ஆனால் நீங்கள் சாமர்த்தியாக உங்கள் உறவினர்களிடம் கொடுத்த பணத்தை ஒரு வழியாகப் பேசி திருப்பி வாங்கிவிடுவீர்கள். பண விஷயத்தில் நேர்மையைக் கடைப்பிடிப்பீர்கள். குறிப்பாகப் பெற்ற கடனைச் சரியான நேரத்தில் திருப்பி செலுத்திவிடுவீர்கள். நிதிநிலைமை மேம்படப் பரிகாரம்: சனி பூஜை
தனுசு ராசி – வேலை நீங்கள் செய்யும் வேலை உங்களுக்கு அதிக திருப்தியையும், மன நிறைவும் அளிக்க இருக்கிறது. குறிப்பாக மேல் அதிகாரிகள் ஆதரவால் பதவி உயர்வு கிடைக்கும். பதவி உயர்வு கிடைத்து விட்டதே என்று சற்றும் கவனக்குறைவாக இருக்க வேண்டாம். தொடர்ந்து வேலையில் உங்கள் கவனத்தை செலுத்தி முன்னேற்றத்தைக் காணுங்கள். உங்களுக்கு ஏற்படும் பிரச்சனைகளை தனி மனிதராக நின்று நீங்களே தீர்த்துக்கொள்ள வேண்டியிருக்கலாம். எதையும் எதிர்கொள்ளத் தயார் நிலையில் இருங்கள். உங்களுக்குக் கீழ் பணியாற்றுபவர்கள் நீங்கள் வேலையில் காட்டும் அக்கறையைப் பார்த்து வியந்து போவார்கள். மற்றவர்களுக்கு நீங்கள் ஒரு முன்னோடியாக இருப்பீர்கள். வேலை மற்றும் தொழிலில் வளர்ச்சி காண பரிகாரம்: சூரியன் பூஜை தனுசு ராசி – தொழில் தனுசு ராசிக்காரர்களுக்கு தொழிலை பொறுத்தவரையில் புதிய வாடிக்கையாளர்கள் கிடைப்பார்கள். அவர்களைத் திருப்திப்படுத்தும் வகையில் நீங்கள் செயல்பட வேண்டும். குறிப்பாகத் தொழிலில் நேர்த்தி என்பது மிகவும் அவசியம். அவர்களிடம் ஒன்றை சொல்விவிட்டு, அதற்கு மாறாக நீங்கள் நடந்து கொள்ளாதீர்கள். கூட்டுத்தொழில் என்றால் கூட்டாளியின் ஆதரவும், ஒத்துழைப்பும் மிக முக்கியம். உங்களைப் பொறுத்தவரையில் உங்களுடைய தொழில் கூட்டாளி விறுவிறுப்பாகச் செயல்பட்டு உங்களுக்கு நல்ல பெயரை தேடித் தருவார். அவரை எந்த வகையிலும் விட்டுக்கொடுக்காமல் அனுசரித்துச் செல்லுங்கள். வெற்றி உங்களைத் தேடிவரும். தனுசு ராசி – தொழில் வல்லுநர் தனுசு ராசிக்காரர்களுக்கு உங்கள் தொழில் வாழ்க்கை வசதி நிறைந்ததாக இருக்கும். தொழிலில் ஏற்பட்ட வளர்ச்சியால் மன திருப்தியடைவீர்கள். உங்களிடம் கொடுத்த வேலையைப் பணிவோடும், சிறப்போடும் செய்து முடிப்பீர்கள். இது தொழில் துறையில் தனி கம்பீரத்தை உருவாக்கும். யாருக்கும் அவ்வளவு எளிதில் வாக்குறுதிகளைக் கொடுக்காதீர்கள். குறிப்பாகக் கொடுத்த வாக்குறுதியைக் கவனத்துடன் முடித்துக் கொடுத்துவிடுங்கள். அனைத்து விஷயங்களிலும் கவனமாகச் செயல்படுங்கள். தனுசு ராசி – ஆரோக்கியம் இந்த மாதம் நீங்கள் சாப்பிடும் சாப்பாட்டில் அதிக எச்சரிக்கையுடன் இருங்கள். குறிப்பாக எண்ணெய்யில் பொறித்த உணவுகள், குடலைக் கெடுக்கும் துரித வகை உணவுகளைச் சாப்பிட்டால் வயிறு பிரச்சனைகள் உண்டாகும். இதனால் உங்கள் ஆரோக்கியம் கெடுவதுடன். அடிக்கடி மருத்துவமனைக்கு அலைய நேரிடும். எதற்கு அந்த வீண் அலைச்சல். வரும் முன் காப்போம் என்பதற்கு ஏற்ப நீங்கள் உங்கள் உணவு கட்டுப்பாட்டை மேற்கொள்ள வேண்டும். மேலும் அதற்கு உங்கள் குடும்பத்தினரும் பெரிதும் உதவியாக இருப்பார்கள். இந்தக் காலகட்டத்தில் உடற்பயிற்சி மிகவும் அவசியம். காலை, மாலை என இருவேளையிலும் உடற்பயிற்சி செய்யுங்கள். குறிப்பாக நடைப்பயிற்சி, தியானம் போன்றவை ஆரோக்கிய சிக்கல்களை தீர்க்கும். ஆரோக்கியமான வாழ்விற்குப் பரிகாரம் : ஸ்ரீவைத்தியநாத பூஜை தனுசு ராசி – மாணவர்கள் தனுசு ராசி மாணவர்கள் எந்தவொரு விஷயத்தையும் அதன் முழு அர்த்தத்தையும் புரிந்து கொண்டு படித்தால் மட்டுமே கல்வியில் சிறப்பான நிலையை அடைய முடியும். அதனால் அதை மனதில் வைத்து கவனத்துடன் படியுங்கள். இந்தக் கால கட்டத்தில் படிப்பில் உங்கள் ஆர்வம் அதிகமாகவே காணப்படும். ஆசிரியர்கள் உங்களுடைய அறிவார்ந்த செயலால் ஈர்க்கப்படுவார்கள். நீங்கள் எதிர்பார்த்த மதிப்பெண்கள் பெறப் போவதால் அதிக மகிழ்ச்சியுடன் காணப்படுவீர்கள். எல்லா வகையிலும் சிறப்பாக செயல்பட்டாலும் அவ்வப்போது உங்களுடைய தேவையற்ற கோபம் உங்களை வெகுவாக பாதிக்கலாம். எனவே கோபத்தை கட்டுக்குள் வைத்திருங்கள். பொது அறிவு மற்றும் அனைத்து விஷயங்களையும் தெரிந்து கொள்வதில் சற்று கவனமாக இருந்தால் மேலும் சிறப்பாக இருக்கும். கல்வியில் சிறந்து விளங்கப் பரிகாரம் : சரஸ்வதி ஹோமம் சுப தினங்கள்: 1, 8, 10, 11, 14, 15, 19, 20, 27, 28 29 மற்றும் 30 அசுப தினங்கள்: 7, 9, 12, 16, 22, 24, 25, மற்றும் 26உங்களுக்கான தினசரி / வாராந்திர / மாதாந்திர / வருடாந்திர ராசி பலன்களை எங்கள் ஆஸ்ட்ரோவேட் செயலி (app) மூலமும் நீங்கள் பெற்று பயனடையலாம். ஆஸ்ட்ரோவேட் செயலியை ஆன்ட்ராய்டில் பதிவிறக்கம் செய்து கொள்ளலாம்.
Leave a Reply