x
x
x
cart-added The item has been added to your cart.

புத்தாண்டு ராசி பலன்கள் 2018 - மீனம் - Meena Rasi 2018 (Pisces)

November 17, 2017 | Total Views : 621
Zoom In Zoom Out Print

பொதுப்பலன்கள் மீன ராசி (Meena Rasi) அன்பர்களே! இந்தப் புத்தாண்டில் நீங்கள் உங்கள் இலக்குகளை முடிக்கும் அளவிற்கு ஆற்றல் நிறைந்தவர்களாக இருப்பீர்கள். ஆன்மீக காரியங்களில் ஈடுபட்டு உங்கள் உள்ளுணர்வில் மாற்றத்தை ஏற்படுத்திக்கொள்ள இது தான் சமயம். மனதில் ஏற்படும் புத்துணர்ச்சி புதிய யோசனைகளை மற்றும் புதிய செயல்களை ஆரம்பிப்பதற்கு வழி காட்டும். நீங்கள் வீட்டிலிருந்து சிறிது நேரம் செலவிடுவீர்கள். கோவில்கள் அல்லது புனித ஸ்தலங்களுக்கு யாத்திரை செல்வீர்கள். உங்களின் முன்னோர்கள் மற்றும் ஆன்மீக குருமார்களின் ஆசி பெறுவீர்கள். சிறிய பயணங்களால் சிறிது இழப்பு நேரிடும். மற்றவர்களுடன் சச்சரவுகள் ஏற்படும். உங்கள் எதிரிகள் உங்கள் நற்பெயரைக் கெடுக்க நினைப்பார்கள். மோதல்களைத் தவிர்த்தால் முன்னேறிச் செல்லலாம். குடும்பத்தில் பிரச்சினைகள் மற்றும் ஏமாற்றங்கள் ஏற்படலாம். பேசும் வார்த்தைகளில் கவனமாய் இருங்கள். கடுமையாய் பேசுவதை தவிர்த்திடுங்கள்.அன்புடனும் பொறுமையுடனும் இருக்க முயற்சி செய்யுங்கள். உங்கள் மனதில் பயம், கவலை மற்றும் எரிச்சல் ஏற்படும். உங்களிடம் மாற்றத்தையும் அதன் மூலம் மன அமைதியும் கொடுக்கக் கூடிய ஒரு நபரை நீங்கள் சந்திக்கலாம். அதன் பிறகு பொறுமை, விடாமுயற்சி, சகிப்புத்தன்மையை கடைபிடிப்பீர்கள். இது உங்களை சரியான பாதையில் அழைத்துச் செல்லும். தெளிவு வரும் வரை காத்திருங்கள். எல்லா உறவு முறைகளிலும் சிக்கல்கள் ஏற்படும். உங்கள் உணர்சிகளை கட்டுபடுத்துங்கள். உங்கள் மன நிலையை உங்கள் கட்டுப்பாட்டில் வைத்திருங்கள். உங்களைச் சுற்றி அமைதியான சூழல் உருவாக நேரத்தை ஒதுக்கி முயற்சி செய்யுங்கள். அதிக வெப்பம் மற்றும் நண்பர்களுடனான சண்டையால் நீங்கள் பாதிக்கப்படுவீர்கள். உங்கள் நலன் பற்றி அக்கறை இல்லாதவரிடம் நட்பு கொள்வீர்கள். விட்டுக் கொடுத்து செல்வதன் மூலம் நல்ல நண்பர்களின் நட்பை இழக்காமல் பார்த்துக்கொள்ளலாம். இது எதிர்காலத்தில் உங்களுக்கு உதவக் கூடியவர்களுடன் நல்லுறவை மேம்படுத்தும். தொழில் / உறவு தொழிலில் ஏற்ற இறக்கங்கள் இருக்கும். நீங்கள் தொழிலை நிலை நிறுத்த அதிக முயற்சிகள் எடுக்க வேண்டும். வருடத்தின் துவக்கத்தில் உங்கள் இலக்குகளை அடைய நீங்கள் கடுமையாக உழைக்க வேண்டியிருக்கும். சில நீண்ட கால நிலுவையிலுள்ள வாய்ப்புகள் அல்லது திட்டங்கள் மூலம் ஆண்டின் பிற்பகுதியில் நல்ல செய்தி கிடைக்கும். அதனை நீங்கள் ஆர்வத்துடன் தொடங்கலாம்.மற்றவர்களின் ஆதரவு முழுமையாகக் கிட்டாது. நீங்கள் தன்னம்பிக்கையுடன் செயல் படவேண்டும் என்பதை ஏற்றுக்கொள்ளுங்கள். Meena Rasi 2018 அதிகாரத்தில் இருப்பவர்களுக்கு உங்கள் மீது அதிருப்தி நிலவும். அதை எதிர் கொள்ள தன்னம்பிக்கையுடன் செயல்படுங்கள். பணியிடத்த்தில் அனைவரிடமும் நல்லுறவை வளர்த்துக் கொள்ளுங்கள்.இந்த வருடத்தின் மூன்றாம் காலாண்டு வரை வியாபாரிகள் பல சவால்கள் மற்றும் இழப்புக்களை எதிர்கொள்ள நேரும். பங்குதாரருடன் பிரிவினை ஏற்படும். உங்களின் வாடிக்கையாளர்கள் உங்கள் போட்டியாளர்களிடம் செல்லும் வாய்ப்பு உள்ளது. மே மாதம் வரை எந்த புதிய திட்டங்களிலும் கையொப்பமிடாதீர்கள்.உங்கள் கடமைகளை நிறைவேற்றுவதில் தடைகளும் தாமதங்களும் ஏற்படும். தரகு அடிப்படையில் பணி புரிபவர்கள் வருடத்தின் முதல் பகுதியில் நஷ்டங்களைச் சந்திக்க நேரிடும். எதிபாராத தடைகளால் உங்கள் தொழில் பாதிக்கப்படலாம். மொத்தத்தில் இந்த வருடத்தின் முதல் பாதியில் தொழிலின் மந்தமான நிலை வியாபாரிகளுக்கு ஏமாற்றத்தை ஏற்படுத்தும்.பொழுதுபோக்கு மற்றும் கலைத் துறையில் நுழைய விரும்புவோர் உங்கள் கனவை நனவாக்க கூடுதல் முயற்சி எடுக்க வேண்டும். பணிபுரிவோர்கள் மற்றும் சேவை துறையில் உள்ளவர்களுக்கு நர்பெயர் கிடைக்கும். நீங்கள் நினைத்ததை அடைவதற்கு கடும் முயற்சி தேவைப்படும். பணி வளர்ச்சியில் தடைகளும் தாமதங்களும் ஏற்படும். சுரங்கங்கள், இரும்பு மற்றும் எஃகு, காப்பீட்டு தரகர்கள் அல்லது பொறியியலாளர்கள் போன்றோர் நன்கு பயன் பெறுவர்.

https://www.youtube.com/embed/TlvB1gBh5XA
காதல் / உறவுகள் மீன ராசி (Meena Rasi) காதலர்களுக்கு இது ஏற்ற தருணம் கிடையாது. காதலுக்காக உங்களை இழக்காதீர்கள். உணர்ச்சி வசப்பட்டு பிரச்சினைக்கு ஆளாகாதீர்கள். அமைதியாக இருந்து அறிவுப்பூர்வமாக தீர்வு காணுங்கள். கூட இருப்பவர்களே குழி பறிக்கலாம். பிரச்சினைகளுக்கான உண்மையான காரணத்தை அடையாளம் காணுங்கள். கணவன் மனைவிக்குள் வாக்கு வாதம் ஏற்படும். கடந்த காலத்தை கிளறாதீர்கள். பக்குவமாக நடந்து கொள்ளுங்கள். மன்னிக்கும் மனப்பான்மையை மேற்கொள்வதன் மூலம் அமைதி கிடைக்கும். மற்றவர்களின் பிரச்னைகளைக் காது கொடுத்து கேளுங்கள் .இந்த ஆண்டு நீங்கள் மற்றவர்களைப் புரிந்து கொள்ள முயலுங்கள் . அதனால் உங்களின் இரக்க குணம் அதிகரிக்கும். உங்கள் வார்த்தையிலும் செயலிலும் கட்டுக்கோப்புடன் இருப்பீர்கள். கணவன் மனைவி இந்த ஆண்டின் பிற்பகுதியில் ஒருவருக்கொருவர் பரிசுகள் தந்து ஆச்சரியப் படுத்தி அன்பை பரிமாறிக் கொள்வீர்கள். நிதி நிலைமை மீன ராசி (Meena Rasi) நேயர்களே நிதி நிலையைப் பொறுத்தவரை இந்த ஆண்டு முழுவதும் நீங்கள் சில சவால்களைச் சந்திக்க நேரிடும். நீங்கள் குடும்பத்திற்கு, மருத்துவ செலவிற்கு, குழந்தைகள் படிப்பிற்கு என செலவுகள் செய்ய நேரிடும். நற்காரியங்கள் மற்றும் தான தருமங்களுக்கெனவும் செலவு செய்வீர்கள். முதலீடுகள் செய்யும் போது கவனமாக செய்யவும். இந்த ஆண்டு முதலீட்டிற்கு சரியான நேரம் அல்ல. பழைய முதலீடுகள் மூலம் எதிர்பாராத பண வரவு மகிழ்ச்சியையும் ஆச்சரியத்தையும் அளிக்கலாம். பொழுதுபோக்குகள், இனிய பயணங்கள் மற்றும் பொழுதுபோக்கிற்கான கூடுதல் செலவுகள் உங்கள் வங்கி இருப்பை கரைக்கலாம். சிலர் கடன் வாங்க நேரிடலாம். கடன் கொடுத்தவர்கள் கழுத்தை நெரிப்பார்கள். நிதி பற்றாக்குறையை தவிர்க்க பணத்தை கையாளுவதில் மிகவும் கவனமாக இருங்கள். மாணவர்கள் மீன ராசி (Meena Rasi) மாணவர்கள் மனதை ஒருமுகப்படுத்தி படித்தால் தான் கல்வியில் வெற்றி பெற முடியும். நீங்கள் விரும்பும் கல்லூரியில் இடம் கிடைப்பது கடினம். கிடைக்கும் கல்லூரிக்கு விண்ணப்பிக்க வேண்டும். நண்பர்களுடன் நல்லுறவு காணப்படும். உங்களில் சிலர் தீய பழக்கத்திற்கு ஆளாக நேரலாம். அதனால் உங்கள் படிப்பு பாதிக்கப்படலாம். மாணவர்களுக்கு புதிய விஷயங்கள் கற்பதற்கு வாய்ப்பு கிடைக்கலாம். வெளி நாடு சென்று படிக்க விரும்பும் மாணவர்களுக்கு இந்த ஆண்டின் பிற்பகுதியில் அது சாத்தியமாகும். பெற்றோரின் ஆசி பெறுங்கள். ஆரோக்கியம் ஆரோக்கியத்தைப் பொறுத்தவரை சுப மற்றும் அசுப பலன்கள் இரண்டும் சேர்ந்தே காணப்படும்.கண்கள், வாய் புண்கள் அல்லது பற்கள் மற்றும் ஈறுகளில் வியாதிகள் ஏற்படும் வாய்ப்புகள் உள்ளன. உணவில் கவனமாக இருங்கள். உணவு ஒவ்வாமை ஏற்பட வாய்ப்பு உள்ளது. வாழ்க்கைத்துணை மற்றும் குழந்தையின் ஆரோக்கியம் நன்றாக இருக்கும். தந்தையின் உடல் நிலை சற்று கவலை தரும். உங்கள் பெற்றோர் மற்றும் குடும்பத்தாருக்கான மருத்துவ செலவுகள் ஏற்படும். உணவு முறையையும் உடற்பயிற்சியையும் அவசியம் பின்பற்றுங்கள். மனதை அமைதியாக வைத்திருப்பதன் மூலம் பதட்டத்தைக் குறைக்கலாம். உங்களுக்கு தியானமும் ஓய்வும் அவசியம் தேவை.
  • பெரியவர்களுக்கு சேவை செய்யுங்கள்
  • முன்னோர்கள் மற்றும் பெற்றோரின் ஆசி பெறுங்கள்
  • உடல் ஊனமுற்றோருக்கு உதவுங்கள்
  • ஓம் ஷம் சநேஸ்வராய நமஹ
    என்ற சனி மந்திரத்தை 108 முறை ஜபிக்கவும். அனுகூலமான மாதங்கள் : ஜனவரி, பிப்ரவரி மார்ச், ஏப்ரல், மே, ஜூன் மற்றும் ஜூலை அனுகூலமற்ற மாதங்கள் : ஆகஸ்ட் செப்டம்பர், அக்டோபர், நவம்பர், மற்றும் டிசம்பர்

    • Bhavani
      bhavagenius@gmail.com
      Year start agi 12 days la ae idhula irukra mukkalvasi prachanaigala anubavichitan.
      January 12, 2018
    • Subramanian
      kannanpvsm@gmail.com
      Very true.
      February 17, 2018
    • REVATHI
      srevathisivakumar1996@gmail.com
      I'LL DO MY BEST
      April 11, 2018

    Leave a Reply

    Submit Comment
    See More

    Latest Photos