கருங்காலி மாலையை யார் அணியலாம்?

 கருங்காலி மாலை என்பது, கருங்காலி மரத்தில் செய்யப்பட்ட ஒரு மாலை ஆகும். இது பல்வேறு ஆன்மிக மற்றும் மருத்துவ பயன்களைக் கொண்டதாக நம்பப்படுகிறது. இதன் தன்மை மகத்தானது. வாரஹி அம்மனின் திருக் கரங்களில் இருக்கும் உலக்கை மற்றும் கலப்பை கருங்காலி மரத்தால் செய்தது. அவ்வளவு விசேஷம் வாய்ந்தது இந்த  கருங்காலி.

ஜோதிட ரீதியாக, திருவாதிரை நட்சத்திரத்தில் பிறந்தவர்கள், மேஷம் மற்றும் விருச்சிகம் ராசிக்காரர்கள், செவ்வாய்க்கிழமை பிறந்தவர்கள் மற்றும் 9, 18, 27 ஆகிய தேதிகளில் பிறந்தவர்களுக்கு இது மிகவும் உகந்தது என்று கருதப்படுகிறது. 

கருங்காலி  மரம் மின்காந்த கதிர்வீச்சு மற்றும் அலைகளை ஈர்க்கும் என்று கூறப்படுகிறது. கருங்காலி மாலை அணிவதன் மூலம்  தெய்வீக சக்தி மேம்படுவதாக நம்பப்படுகிறது.

கோயில் கோபுரங்கள், கோயில் சிலைகள், சிலைகள்,  மற்றும் வீட்டில் உள்ள பழைய பொருட்கள் போன்ற பல இடங்களில் கருங்காலி மரம் பயன்படுத்தப்படுகிறது.

கருங்காலி மாலை அல்லது கருங்காலியால் செய்யப்பட்ட பொருட்களை ஆண்கள், பெண்கள், குழந்தைகள், பெரியவர்கள் என அனைவரும் அணியலாம்.

தற்போது ஒரு ஃபேஷனாக மாறி வரும் கருங்காலி  மாலை, எதிர்மறை சக்திகளிலிருந்து நம்மைப் பாதுகாத்து நேர்மறை ஆற்றல்களை மேம்படுத்துகிறது.  

சமீபத்திய ஆண்டுகளில், கருங்காலி மாலை அனைவரின் உள்ளங்களிலும்   இடம்பிடித்துள்ளது. பலரும் தங்கள் முன்னேற்றம் மற்றும் நம்பிக்கைகளுக்காக கருங்காலி மாலை அல்லது வளையலை வாங்க வேண்டும் என்று விழைகின்றனர்.. இதனை ஃபேஷனுக்காக மட்டுமல்லாமல், எதிர்மறை ஆற்றல்களிலிருந்து பாதுகாப்பு மற்றும் நேர்மறையை மேம்படுத்துதல் போன்ற நன்மைகள் கருதி இன்று பலரும் இதனை வாங்க முற்படுகின்றனர்.

செவ்வாய் தோஷத்தை குறைக்கும் கருங்காலி

ஜோதிட ரீதியாக, கருங்காலி என்பது செவ்வாய் கிரகத்திற்கான மரம். இது செவ்வாய் கிரகத்தின் பாதிப்புகளைக் கட்டுப்படுத்தும் சக்தி கொண்டது. மிருகசீரிடம் மற்றும் திருவாதிரை நட்சத்திரங்களுடன் தொடர்புடைய மரங்கள் கருங்காலி ஆகும், இவை முருகப்பெருமானுக்கு உகந்ததாகக்  கருதப்படுகிறது. கருங்காலி விபத்துக்கள், கடன்கள், சொத்து பிரச்சினைகள் மற்றும் திருமண தாமதங்கள் போன்ற துன்பங்களைக் குறைத்து, செவ்வாய் தோஷத்தால்  பாதிக்கப்பட்டவர்களுக்கு தோஷத்தை நீக்கி வாழ்க்கையில் செழிப்பை அதிகரிக்கும் என்று கூறப்படுகிறது. கருங்காலி பொருட்களை அணிந்த ஒருவர் தனது ஜாதகத்தில் செவ்வாய் கிரகத்தின் தீய பலன்களைக் குறைக்க முடியும். கருங்காலி  அதிக வெப்பத்தையும் சக்தியையும் கொண்டிருப்பதால், செவ்வாய் பகவானால்  ஏற்படும் அனைத்து துன்பங்களையும் போக்க இது உதவுகிறது.

கருங்காலி மாலையை  எப்பொழது எப்படி அணியலாம்?

கருங்காலியை யார் வேண்டுமானாலும் நல்ல நாளில், நல்ல நேரத்தில் அணியலாம். இருப்பினும், செவ்வாய்க்கிழமை முருகன் அல்லது வாராஹி அம்மன் கோயிலில் அல்லது வீட்டில் தெய்வங்களின் திருவுருவப் படங்களுக்கு அருகில் வைத்த பிறகு அணிவது மிகவும் நல்லதாகக் கருதப்படுகிறது. கருங்காலி செவ்வாய் கிரகத்திற்கான மரம் என்பதால் செவ்வாய்க்கிழமை பரிந்துரைக்கப்படுகிறது. கருங்காலியை மாலையாகவோ, வளையல்களாகவோ அணியலாம். கருங்காலி மாலை அல்லது தயாரிப்பை ரோஸ் வாட்டர் (பன்னீர்) அல்லது பாலில் நனைத்து சுத்தம் செய்த பிறகு அணியலாம்.

கருங்காலி மாலையை யார் அணியலாம் ?

•  கருங்காலியை குழந்தைகள் முதல் பெரியவர்கள் வரை யார் வேண்டுமானாலும் அணியலாம், அதனால் நல்ல பலனைப் பெறலாம்.
• செவ்வாய் கிரக தோஷம் உள்ளவர்கள் கருங்காலி மாலையை அணிந்து நல்ல  பலனைப் பெறலாம். கருங்காலியின் சக்தி, ஜாதகத்தில் செவ்வாய் கிரகத்தின் தோஷத்தைக் குறைக்கும்.
• கருங்காலி பொருட்களை மாணவர்கள் தங்கள் நினைவாற்றல் மற்றும் அறிவுசார் சக்தியை மேம்படுத்தவும், கல்வியில் சிறந்து விளங்கவும் பயன்படுத்தலாம்.
• வணிகர்கள் மற்றும் தொழில்முனைவோர் தொழிலில் பெரும் வளர்ச்சியைக் காணவும், நல்ல லாபத்தைப் பெறவும் கருங்காலியைப் பயன்படுத்தலாம்.
• வேலை தேடுபவர்கள் மற்றும் வேலை செய்பவர்கள் கருங்காலியைப் பயன்படுத்தி நல்ல வேலை அல்லது நிறுவனத்தில் உயர் பதவிகளைப் பெறலாம்.
• கண் திருஷ்டி, மாந்திரீகம் மற்றும் பிற தீய சக்திகளால் பாதிக்கப்பட்டவர்கள் அணியலாம்.

  கருங்காலி மாலையை யார் அணியக் கூடாது?

• கர்ப்பிணிப் பெண்கள் கருங்காலி மாலை அல்லது வளையல்களை அணிவதைத் தவிர்க்க வேண்டும்.
• 6 வயதுக்குட்பட்ட குழந்தைகள் கருங்காலி பொருட்களைப் பயன்படுத்தக்கூடாது.
• அசைவ உணவு உண்ணும் போது, கருங்காலி மாலையை அகற்ற வேண்டும்.
• காய்ச்சல், வலி, வயிற்றுப்போக்கு போன்ற உடல் உபாதைகள் உள்ளவர்கள் கருங்காலி மாலை அணிவதைத் தவிர்க்க வேண்டும்.
• மன அமைதி இல்லாதவர்கள் கருங்காலி மாலை அணிவதால் மேலும் மன அழுத்தம் மற்றும் கவலைகள் ஏற்படலாம்.
• பிறப்பு குறைபாடு உள்ள குழந்தைகள், மனநலம் பாதிக்கப்பட்டவர்கள் கருங்காலி மாலை அணிவது பொருத்தமல்ல.

கருங்காலி மாலை அணிவதால் ஏற்படும் நன்மைகள்

• இது மனதில் பக்தியை வளர்க்க உதவுகிறது மற்றும் ஆன்மீக பாதையில் வாழ ஊக்குவிக்கிறது.
• கருங்காலி ஒருவரின் ஜாதகத்தில் செவ்வாய் கிரகத்தின் தோஷ விளைவுகளை குறைக்கும்.
• அனைத்து தெய்வங்களும் கருங்காலியில் வசிப்பதாகவும், கருங்காலியை அணிவதன் மூலம் தெய்வங்களின் ஆசிகளைப் பெற முடியும் என்றும் கூறப்படுகிறது.
• கருங்காலி நவக்கிரகங்களின் பாதிப்புகளைக் கட்டுப்படுத்தி எதிர்மறை விளைவுகளை உறிஞ்சும்.
• குடும்ப தெய்வம் என்று அழைக்கப்படும் குல தெய்வத்தை கருங்காலி பொருட்களைப் பயன்படுத்தி வழிபட்டு வழிபடலாம்.
• மின் காந்த ஆற்றலை ஈர்க்கும் தன்மை இதில் உள்ளது. மாணவர்களுக்கு ஞாபக சக்தி அதிகரிக்க இதனை பயன்படுத்தலாம். ,
• மூட்டு வலி மற்றும் கால் வலி நீங்க,இதனை அணியலாம்.
• தீய ஆத்மாக்கள் அணுகாமல் காக்க இது உதவும்.
• குழந்தையின்மை பிரச்சினை இருப்பவர்கள் இதனை அணிவதன் மூலம் குழந்தைப் பேறு பெறுவார்கள்.
• பிரபஞ்ச சக்தி ஈர்க்கும் தன்மை கருங்காலிக்கு  உள்ளது. இது துவர்ப்பு சுவை மிக்கது. வாய்வு தொல்லை இருப்பவர்கள். நீரிழவு நோயாளிகள் கருங்காலியை பயன்படுத்தலாம்.  
• குல தெய்வம் தெரியாதவர்கள் கருங்காலி கோலை குல தெய்வமாக வைத்து வழிபடலாம்.

மருத்துவ பயன்கள்:

• கருங்காலி மாலை அணிவதால் உடலில் உள்ள தீய கிருமிகளை நீங்கும் என்றும், உடலுக்கு குளிர்ச்சி தரும் என்றும் நம்பப்படுகிறது.
• சிலர் கருங்காலி மாலை அணிவதால் உடல் வலி மற்றும் மன அழுத்தத்தில் இருந்து நிவாரணம் பெறலாம் என்றும் நம்புகிறார்கள்.
• சிலர் கருங்காலி மாலை உடலில் உள்ள வெப்பத்தை சமநிலைப்படுத்தும் என்று நம்புகிறார்கள்.
• கருங்காலி மரத்தில் செய்யப்படும் சில மருந்துகள் மருத்துவ ரீதியாக பயன்படுத்தப்படுகின்றன.

வேறு பயன்கள்:

• இது ஒரு வகை மரமாகும், இது அதன் அடர்த்தி மற்றும் நீண்ட ஆயுளுக்காக அறியப்படுகிறது.
• கோவில்களில் தல விருட்சமாக கருங்காலி மரம் நடப்படுகிறது.
• பண்டைய காலங்களில், கருங்காலி மரம் கட்டிடங்கள் கட்டுவதற்கும், வீடுகளின் கதவுகள் மற்றும் தூண்கள் செய்யவும் பயன்படுத்தப்பட்டது.

கருங்காலி மாலை வாங்கும் போது, அதன் தரம் மற்றும் நம்பகத்தன்மை குறித்து கவனமாக இருக்க வேண்டும். சில இடங்களில்  போலியான கருங்காலி மாலைகள் விற்கப்படுவதால், தரமான இடங்களில் வாங்குவது நல்லது. ஆஸ்ட்ரோவேதில் அசலான தரமான கருங்காலி மாலைகள் மற்றும் பிற கருங்காலி பொருட்களை நீங்கள் வாங்கலாம். அத மட்டும் இன்றி எங்கள் ஜோதிடர்களின் ஆலோசனை பெற்றும் நீங்கள் அவற்றை வாங்கிக் கொள்ளலாம்.