இந்த 8 விரதங்கள் இருந்தால் சிவபெருமான் அருளை பெறலாம்..

June 9, 2023

இந்த பிரபஞ்சத்தை படைத்துக் காத்து அருளும் சிவபெருமான் அருளை பெறுவதற்கு பல விரதங்கள் உள்ளன. அந்த வகையில் கீழே உள்ள இந்த 8 விரதங்களை இருந்தால் சிவபெருமான் அருளை பெறலாம் என்பது ஐதீகம்.

சோமவார விரதம் – திங்கட்கிழமை

இந்த விரதம் கார்த்திகை மாத திங்கட்கிழமைகளில் தொடங்கப்பட்டு பின் திங்கட்கிழமை தோறும் பின்பற்றப்படுகிறது.

பிரதோஷ விரதம் – பிரதோஷ நாள்

இவ்விரதம் ஒவ்வொரு மாதமும் பௌர்ணமி மற்றும் அமாவாசையிலிருந்து பதிமூன்றாம் நாள் வரும் திரயோதசியில் கடைப்பிடிக்கப்படுகிறது.

திருவாதிரை விரதம் – மார்கழி திருவாதிரை நட்சத்திரம் வரும் நாள்

திருவாதிரை விரதம் மார்கழியில் பௌர்ணமியை ஒட்டிவரும் திருவாதிரை நட்சத்திரம் வரும் நாளில் கடைப்பிடிக்கப்படுகிறது.

கல்யாண விரதம் – பங்குனி உத்திர நாள்

இவ்விரதம் பங்குனி மாதம் பௌர்ணமியில் கடைப்பிடிக்கப்படுகிறது. இன்றைய தினத்தில் உமையம்மையை சிவபெருமான் மணந்தார்.

உமாமகேஸ்வர விரதம் கார்த்திகை பவுர்ணமி தினம்

இந்த விரதம் கார்த்திகை மாதம் பௌர்ணமி அன்று கடைப்பிடிக்கப்படுகிறது. சிவபெருமானின் அங்கத்தில் இட பாகத்தைப் பெற கடுமையான விரதம் மேற்கொண்ட உமையம்மை கார்த்திகை பௌர்ணமி அன்று இறைவனின் இடப்பாகத்தைப் பெற்றார்.

மகா சிவராத்திரி விரதம் – மாசி மாதம் தேய்பிறை சதுர்த்தசி தினம்

இவ்விரதம் மாசி மாதம் பௌர்ணமி முடிந்த பதினான்காம் நாளான தேய்பிறை சதுர்த்தசி அன்று கடைப்பிடிக்கப்படுகிறது. இவ்விரதத்தினை ஆண், பெண் வேறுபாடு இல்லாமல் எல்லோரும் கடைப்பிடிக்கலாம்.

ரிஷப விரதம் – வைகாசி விசாக வளர்பிறை அஷ்டமி தினம்

இவ்விரதம் வைகாசி வளர்பிறை அஷ்டமி அன்று கடைப்பிடிக்கப்படுகிறது. இவ்விரதத்தைப் பின்பற்றியே திருமால் கருடவாகனத்தையும், இந்திரன் ஐராவதத்தையும், குபேரன் முத்து விமானத்தையும் பெற்றதாக புராணங்கள் கூறுகின்றன.