சங்கல்பம் என்றால் என்ன?

சங்கல்பம் என்பது சம்ஸ்கிருத வார்த்தை ஆகும். அதன் பொருள் உறுதிமொழி ஆகும். “சம்” என்றால் நல்ல “கல்பம்” என்றால் சாஸ்திரம் அல்லது வேதம் ஆகும். நாம எந்தவொரு வைதீக ஆன்மீக காரியங்களை மேற்கொண்டாலும் சங்கல்பம் செய்து கொள்வது வழக்கம். சங்கல்பம் என்பது ஒரு வகை உறுதிமொழி. நம்முள் உறைந்திருக்கும் கடவுளுக்கு நாம் கூறும் உறுதிமொழி ஆகும். வைதீக முறையில் செய்யும் ஒரு நல்ல செயலே சங்கல்பம் ஆகும். நாம் செய்யும் செயலின் நோக்கத்தை அடைய சங்கல்பம் எடுத்துக் கொள்கிறோம். நாம் செய்யக்கூடிய செயலில் தடைகள் வராமல் இருக்கவும் வந்தால் அதையும் தாண்டி அந்த செயலை முடிக்கவும் உறுதியுடன் செயல்படுவதை சங்கல்பம் குறிக்கும். எனவே உடல் மற்றும் மனதை ஒருமுகப்படுத்துவதற்கு உதவுவது சங்கல்பம் ஆகும்.

எனவே சங்கல்பம் என்பது உறுதி பூணுதல் ஆகும். இதனை திட சங்கற்பம் என்று கூறுவார்கள். நாம் செய்யும் எந்தவொரு கிரியையும் சங்கல்பம் இல்லாமல் செய்தல் கூடாது. சங்கல்பம் இல்லாமல் செய்யும் செயலால் பயன் எதுவும் இல்லை.

சங்கல்பத்தின் போது பஞ்சாங்கம் வாசிக்கிறோம். அதன் பயன்கள் -
1) திதி- திதியைச் சொன்னால் ஐஸ்வர்யம் கிடைக்கும்.
2)வாரம்-வாரத்தைச் சொன்னால் ஆயுள் வளரும்.
3)நக்ஷத்திரம்-நக்ஷத்திரத்தைச் சொன்னால் பாபம் நீங்கும்.
4)யோகம்-யோகத்தைச் சொன்னால் ரோகம் (வியாதி) நீங்கும்.
5)கரணம்-கரணத்தைச் சொன்னால் காரியம் சித்தியாகும்.

சங்கல்பம்

மமோபாத்த சமஸ்த துரித க்ஷ்யத்வாரா ஸ்ரீ பரமேஸ்வர

ப்ரீத்யர்த்தம் அஸ்யாம்வர்த்தமானாயாம் சுப திதௌ ஆஸ்ய தேவஸ்ய

அஹம் அத்ய கரிஷ்யே

மாமோ பார்த்த சமஸ்தா துரிதக்ஷய துவார , (வாழ்க்கையில் உள்ள அனைத்து பிரச்சனைகளையும் வலிகளையும் நீக்குவதற்காக,)

ஸ்ரீ பரமேஷ்வர ப்ரீத்யார்த்தம் , (அல்லது ஸ்ரீ நாராயண ப்ரீத்யார்த்தம் - வைஷ்ணவத்திற்காக) (பரமேஸ்வரரை மகிழ்விப்பதற்காக (அல்லது நாராயணனை சந்தோஷப்படுத்துவதற்காக)

ஸ்ரீ பார்வதி பிரசாத சித்யார்த்தம் , (ஆசிர்வாதம் மற்றும் பார்வதி தேவியின் கருணை... பார்வதிக்கு பதிலாக அதிக கடவுள்/தெய்வத்தை நீங்கள் மாற்றலாம் அல்லது சேர்க்கலாம்)

அஸ்மஹம் சகுடும்பனம் (அல்லது அஸ்ய யஜமானஸ்ய சகுடும்பஸ்ய - நீங்கள் அதை மற்றொரு நபரின் சார்பாக செய்தால்)

ஷேமாஸ்யா, தைரியம், தைரியம், விஜய, ஆயுர், ஆரோக்கியம், ஐஸ்வர்ய, அபிவிருத்யர்த்தம் (நல்ல வாழ்வில் வளம், தைரியம், வெற்றி, ஆயுள், ஆரோக்கியம், செல்வம்)

(பின்னர் கீழே உள்ளவற்றிலிருந்து உங்கள் ஜபத்திலிருந்து நீங்கள் எதிர்பார்க்கும் பலனைத் தேர்ந்தெடுக்கவும்... உங்களுக்குத் தேவையான பலவற்றைத் தேர்ந்தெடுக்கலாம்)

1.  இஷ்ட கம்யர்த்த சித்யார்த்தம் (விருப்பங்கள் நிறைவேறுவதற்கு)

2. சகல விக்ன நிவ்ருத்தி துவார காரிய சித்யார்த்தம் (தடைகளை நீக்கி முயற்சி வெற்றியடைய)

3. சகல வியாதி நிவ்ருத்யர்த்தம் அனைத்து நோய்களையும் நீக்கவும்)

4. ஞான வாப்த்யர்த்தம் (அறிவுக்காக)

5. சகல வசீகரனார்த்தம் (காதலர் உட்பட விரும்பிய விஷயங்களைப் பெற)

6. ஸ்வய ஹார ஜெய வாப்யர்தம் (நீதிமன்ற வழக்குகளில் வெற்றி பெற)

7. அபம் ருத்யு தோஷ நிவ்ருதார்த்தம்(நோய்களிலிருந்து நலம் பெற/ வெற்றிகரமான அறுவை சிகிச்சைக்கு)

8. தன தானிய சம்ருத்யர்த்தம் (தனம் (பணம்) மற்றும் தானியம் (பொருட்கள்) பெற

9. தரமார்த்த காம மோக்ஷ சதுர்வித பல புருஷார்த்த சித்யார்த்தம் (தர்மம், ஆசை, செல்வம், முக்தி பெற)

10. சகல சன் மங்கள வாப்த்யர்த ஆரோக்ய த்ருட காத்ரத  சித்யார்த்தம்  (எல்லா ஆசீர்வாதங்களுடனும் ஆரோக்கியமான உடலைப் பெற)

 

 பிறகு என்ன மந்திர ஜபம் செய்யப் போகிறோம் என்பதை உச்சரிக்கிறோம்

ஸ்ரீ ஸ்வயம்வரபார்வதி மஹா மந்திர ஜபம் அஹம் கரிஷ்யே (நான் சுயம்வரபார்வதி ஜபம் செய்யப் போகிறேன்)

(காயத்ரி மஹா மந்திர ஜபம் கரிஷ்ய, ஸ்ரீ விஷ்ணு சஹஸ்ரநாம ஜபம் அஹம் கரிஷ்யே .. அல்லது ஸ்ரீ மஹாலக்ஷ்மி அஸ்தோத்ர ஜபம் அஹம் கரிஷ்யே போன்ற பிறருக்கு இந்த சங்கல்பத்தைச் செய்யும்போது இந்த “ஸ்வயம்வரபார்வதி”யை மற்ற ஸ்லோகங்களுடன் மாற்றலாம்.)

 

தமிழில் சங்கல்பம் செய்து பூஜை செய்வது எப்படி?

சிறிது மலர்களையும் அட்சதையையும் எடுத்துக்கொண்டு கை கூப்பிக்கொள்ளவும். 

பின் வரும் மந்திரங்களைக் கூறவும்.

ஓம் விநாயகப்பெருமானே போற்றி!

ஓம் முருகப்பெருமானே போற்றி!

ஓம் சிவபெருமானே போற்றி!

ஓம் உமை அம்மையே போற்றி!

ஓம் எஙகள் குல தெய்வமே போற்றி!

ஓம் எங்கள் இஷ்டதெய்வமே போற்றி!

 

(அவரவர் அன்னை, தந்தை, குரு, முன்னோர்களை மனதில் தியானம் செய்யவும்.)

எல்லாம் வல்ல சிவபெருமானே போற்றி போற்றி.

 

இன்று ... வருடம் ... (தக்ஷிணாயனம்/ உத்தரயணம்) ... ருது, ... மாதம், ... (வளர் பிறை/ தேய்பிறை), ... திதியில், ... கிழமை, ... நட்சத்திரம் கூடிய சுபயோக சுபதினத்தில், ... (காலை/மாலை) வேளையில், ..... இறைவனுக்கு, (108 நாமவளிகள் / 1000 நமாவளிகள்) கூறி வழிபட இருக்கிறோம்.

 

இந்த ஊரும் உலகமும், நாங்களும், எங்கள் உறவுகளும், நண்பர்களும், மற்றும் எங்கள் குடும்பமும், நீண்ட ஆயுளும், நோயற்ற வாழ்வும், நிறைந்த செல்வமும், நல்ல புத்தியும், மன அமைதியும், மனமகிழ்ச்சியும் பெறவும்,

எங்கள் ஜாதகத்தில் உள்ள குறைகள் நீங்கி, நவகோள்களும் நன்மையே செய்யவும்,

நாங்கள் செய்த பாவங்கள் போகவும்,

வியாதிகள் அகலவும்,

துன்பங்கள் தொடராமல் இருக்கவும்,

உன்னை என்றும் மறவாமல் வழிபடவும், அருள் புரிவாய்.

மேலும் எங்கள் குழந்தைகள் கல்வி கேள்விகளில் சிறந்து விளங்கவும்,

நல்ல வேலை வாய்ப்பு, பதவி உயர்வு, வீடு வாகன வசதிகள் பெருகவும்,

இளவயதினருக்கு உரிய வயதில் திருமணம் கை கூடவும்,

திருமணமான மகளிருக்கு மாங்கல்ய பலமும், தம்பதியர்க்கு நன்மக்கள் பேறு கிடைக்கவும் அருள் புரிவாய்.

நாங்கள் மனம் மொழி மெய்யால் நல்லதையே செய்யவும், நல் அருள்புரிவாய்.

கோயில்கள் தோறும் வழிபாடுகள் குறைவற நடைபெறவும்,

நாட்டில் நல்ல மழை பொழிந்து நாடு செழிக்கவும்,

உன்னை வழிபடுபவர்களின் மனக்குறை எல்லாம் நீங்கவும்,

நீ எப்போதும் எங்களுக்கு துணையாக இருக்கவேண்டும்.

( அவரவர் பெயர், நட்சத்திரம் கூறி அவரவர் வேண்டுதல்களை மனதில் சிந்தித்து வழிபடவும்.)

 

சங்கல்பங்களைப் பயிற்சி செய்வது எப்படி

∙ உங்களுடைய குறிப்பிட்ட தேவைக்கான ஒரு சங்கல்பத்தைத் தேர்ந்தெடுங்கள்.

∙ நிமிர்ந்த முதுகுத்தண்டுடன் அமருங்கள்.

∙ கண்களை மூடிக்கொண்டு மெதுவாக உங்களுடைய பார்வையை புருவமத்தியில் குவித்து ஒருமுகப்படுங்கள்.

∙ அதன்பின், “மூன்று முறை ஓர் ஆழ்ந்த மூச்சை எடுத்து அதை வெளிவிடுங்கள். உடலைத் தளர்த்தி அதை அசைவற்று வைத்திருங்கள்….

∙ பதற்றம், அவநம்பிக்கை, கவலை ஆகியவற்றை வீசி எறியுங்கள்….

∙ முதலில் உரத்து, பின் மென்மையாக மற்றும் இன்னும் மெதுவாக, உங்கள் குரல் முணுமுணுப்பாக ஆகும் வரை சங்கல்பம் முழுவதையும் திரும்பத் திரும்பக் கூறுங்கள்.

∙ அதன்பின் படிப்படியாக அதை மனத்தில் மட்டுமே, நாக்கையோ அல்லது உதடுகளையோ அசைக்காமல், நீங்கள் ஆழ்ந்த, இடைவிடாத ஒருமுகப்பாட்டை —அதாவது, உணர்வற்ற நிலையை அல்ல, மாறாக, இடையூறற்ற சிந்தனையின் ஓர் ஆழ்ந்த தொடர்ச்சியை—அடைந்திருப்பதாக உணரும் வரை வலியுறுத்திக் கூறுங்கள்.

∙ உங்கள் மனச் சங்கல்பத்தைத் தொடர்ந்து கூறியவாறு, இன்னும் ஆழ்ந்து சென்றால், நீங்கள் அதிகரிக்கும் ஆனந்தம் மற்றும் அமைதியின் உணர்வை அறிவீர்கள்.