2018 September Month’s Rasi Palan for Makara

மகர ராசி – பொதுப்பலன்கள் மகர ராசிக்காரர்களுக்கு இது சாதகமான மாதம். வீட்டிற்கு வீடு வாசற்படி என்பார்கள். அது போல் உங்கள் குடும்பத்தில் பிரச்சனைகள் அவ்வவ்போது உருவாகி உங்களைத் துன்பத்தில் ஆழ்த்தும். அதிலிருந்து மீண்டு வருவதற்குப் புத்திசாலித்தனமாக செயல்படுவது தான் தீர்வைக் கொடுக்கும். எதிலும் கவனமாக இருந்து நிம்மதியைத் தேடிக்கொள்ளுங்கள். பிரச்சனைகள் ஒரு பக்கம் இருந்தாலும் வேலை ரீதியாக அனைவராலும் பாராட்டப்பட போகிறீர்கள். அதற்கு உங்களது திறமையே காரணம். பாராட்டு கிடைத்தபின் அடுத்தது என்ன? ஊதிய உயர்வு தான். நீங்கள் விரும்பியபடி வேலையில் முன்னேற்றம் இருக்கும். ஆனால் பண விஷயத்தில் அதிக எச்சரிக்கை தேவை. குறிப்பாகச் சொல்ல வேண்டுமென்றால் பணத்தினால் நண்பர்களுடன் சில சிக்கல்கள் ஏற்படலாம். குடும்பத்தைப் பொறுத்தவரை குடும்ப உறுப்பினர்களைச் சுதந்திரமாக செயல்பட அனுமதியுங்கள். மேலும் அவர்களுக்கு நல்ல யோசனைகளையும் வழங்கி அன்பான சூழலை உருவாக்குங்கள். கடினமான காலகட்டங்களில் உங்களுடைய சிறப்பான தொடர்பு திறன் உங்களுக்கு கை கொடுக்கும். பல வேலைகள் உங்களுக்கு இருந்தாலும் கடமையை மறந்துவிடாதீர்கள். அதில் கண்ணும் கருத்துமாக இருங்கள். குறிப்பாக வேலையில் பாக்கியுள்ள பணிகளுக்கு முக்கியத்துவம் கொடுத்துச் செயல்படுங்கள். கொடுக்கப்பட்ட பொறுப்புகளைச் சரியான முறையில் செய்து முடிப்பது நல்லது. உங்கள் ஆரோக்கியத்தில் குறைபாடு எதுவும் இருக்காது. மகர ராசி – காதல் / திருமணம் மகர ராசிக்காரர்களின் காதல்/திருமண உறவைப் பொறுத்தவரையில் எந்தவொரு விஷயத்திலும் அவசர முடிவுகளை எடுப்பது பெரிய சிக்கலை ஏற்படுத்தலாம். நீங்கள் விரும்பியதைச் செய்ய வேண்டுமென்று நினைப்பதை விட்டுவிட்டு நடைமுறைக்கு எது சாத்தியம் என்பதை முதலில் புரிந்து கொள்ளுங்கள். அதன் பின்னர் உங்கள் செயல்பாடு மற்றவர்களின் பாராட்டைப் பெறும். கணவன்-மனைவியிடையே உறவு சுமூகமாக செல்லும். குடும்ப உறவுகளைப் பொறுத்தவரையில் நீங்கள் நினைத்தால் ஒரு நல்ல சூழலை அவர்களுக்குத் தர முடியும். எல்லாப் பிரச்சனைகளையும் வாழ்க்கைத் துணையிடம் கலந்து ஆலோசித்த முடிவு செய்யுங்கள் அப்போதே பாதி சிக்கல் தீர்ந்துவிடும். நீங்களே எந்தவொரு தனிப்பட்ட முடிவுகளை எடுக்க வேண்டாம். திருமண வாழ்வில் நல்லிணக்கம் காண பரிகாரம்: சுக்கிரன் பூஜை மகர ராசி – நிதி நிலைமை மகர ராசிக்காரர்களுக்கு நிதி நிலையில் முன்னேற்றம் ஏற்படப்போகிறது. இதனால் சந்தோஷம் கூடும். கொடுத்த கடன்களை வசூலிப்பதில் அதிரடி முடிவுகளை எடுப்பீர்கள். இதனால் கணிசமான தொகை உங்கள் கைகளுக்கு வந்து சேர வாய்ப்பு அதிகம் உள்ளன. பணம் இருக்கிறது என அதிகம் செலவு செய்து விடாதீர்கள். செலவுகள் அதிகம் ஆகலாம். உண்மையான தேவை என்ன என்று ஆராய்ந்து அதற்கு தகுந்தாற் போல் அவற்றிற்கு முன்னுரிமை தாருங்கள். இயந்திரம் மற்றும் வாகன தொடர்பான பணிகளைச் சரியாக செய்து முடிப்பீர்கள். நிதிநிலைமை மேம்படப் பரிகாரம்: குரு பூஜை மகர ராசி – வேலை மகர ராசிக்காரர்களுக்கு வேலையில் முன்னேற்றம் என்பது சாதாரணமாக இருக்கும். அதற்காகக் கவலைப்பட வேண்டாம். வேலையில் திடீரென மேற்கொள்ளும் உங்களுடைய செயல்கள் உங்களுக்கு நன்மதிப்பைத் தர இருக்கிறது. பொதுவாகப் பணியிடங்களில் சக ஊழியர்களுடன் இருக்கும் நட்புணர்வு உங்கள் சூழ்நிலையை மகிழ்ச்சியானதாக வைக்கும். அதன் அடிப்படையில் நீங்களும் அனைவர் இடத்திலும் நேர்மையாக நடந்து கொண்டு அன்புறவை பேணுங்கள். வேலை ரீதியான விஷயங்களில் மட்டுமே முழு கவனமும் இருக்கட்டும். தேவையில்லாமல் தனிப்பட்ட முறையில் உங்கள் சொந்த விஷயங்களை அவர்களிடம் பேசாதீர்கள். வேலையில் முனைப்புடன் செயல்பட்டு அதிலும் குறிப்பாக அதிக நேரம் பணியாற்றி உங்கள் வேலையைச் செய்து முடியுங்கள். வேலை மற்றும் தொழிலில் வளர்ச்சி காண பரிகாரம்: செவ்வாய் பூஜை மகர ராசி – தொழில் மகர ராசிக்காரர்களுக்கு தொழிலை பொறுத்தவரை உங்கள் மனதில் சந்தோஷத்தை உருவாக்கப் போகிறது. அதனால் உற்சாகத்தோடு எதிர்கொள்ளத் தயாராகுங்கள். பண லாபத்தை விடத் தொழிலில் திருப்தி அடைவது என்பது அரிது. அந்த வகையில் நீங்கள் கொடுத்து வைத்தவர் என்று சொல்லலாம். ஏனென்றால் தொழில் ரீதியான மன நிறைவு சிறப்பாக இருக்கும். மேலும் வர வேண்டிய பணம் உங்களுக்கு வந்து சேரும். ஒரு பணியை சரியான முறையில் முடிக்க வேண்டுமென்றால் அதற்கான செயல்பாடுகள் நேர்மையான முறையில் நடக்கின்றதா என்பதை அவ்வப்போது சோதனை செய்து பார்ப்பது நல்லது. அனைத்துப் பணிகளும் சிறப்பாக முடிப்பதற்குத் தொழில் கூட்டாளிகளும், பங்குதாரர்களும் பெரும் உதவி செய்வார்கள். மகர ராசி – தொழில் வல்லுநர் மகர ராசிக்காரர்களே! உங்கள் திறனை அதிகமாக்கி வேலையில் வெற்றி இலக்கை எட்டப் போகிறீர்கள். தகவல் தொடர்பு மிக அவசியம் அதை மனதில் வைத்துக்கொண்டு உங்கள் தொழில் தொழில் முறை வாடிக்கையாளர்கள் உங்களைத் தொடர்பு கொள்ளும் போது அவர்களுக்குச் சரியான முறையில் பதில் சொல்லுங்கள். வாடிக்கையாளர்கள் தான் முக்கியமானவர்கள் அல்லவா? அவர்களைத் திருப்தி படுத்தும் போது முன்னேற்றம் தானாகவே ஏற்படும். மற்றபடி உங்களுடன் பணியாற்றும் சக ஊழியர்கள் உங்களுக்கு முழு ஆதரவைத் தருவார்கள். வேலைக்குச் சரியான நேரத்தில் செல்லுங்கள். காலதாமதம் செய்ய வேண்டாம். இல்லையென்றால் அதுவே உங்களுக்குப் பல சிக்கல்களை உருவாக்கும். மகர ராசி – ஆரோக்கியம் மகர ராசிக்காரர்களுக்கு இந்த மாதம் ஆரோக்கியம் சாதாரணமாக காணப்படும். வேலையில் அதிக நேரம் கவனம் செலுத்த வேண்டி இருப்பதால் சாப்பிடாமல் இருக்காதீர்கள். சரியான நேரத்திற்குச் சாப்பிடுங்கள். நேரம் தவறாமல் உறங்கச் செல்லுங்கள். உடல் நலத்தில் அக்கறையாக இருங்கள். உங்களைச் சுறுசுறுப்பாக வைத்துக்கொள்ளும் நேரம் இது. உடலில் கொழுப்பின் அளவைச் சரியான இருக்கிறதா என்பதைப் பரிசோதனை செய்யுங்கள். மேலும் காலை, மாலை நேரத்தில் நடைப்பயிற்சி செய்யுங்கள். ஆற்றல் தரும் பானங்கள் அருந்துங்கள். இவை உங்கள் ஆரோக்கியத்தை மேம்படுத்தும். ஆரோக்கியமான வாழ்விற்குப் பரிகாரம் : ஸ்ரீவைத்தியநாத பூஜை மகர ராசி – மாணவர்கள் மகர ராசி மாணவர்களே நீங்கள் உங்கள் கல்வியில் நல்ல மேன்மை நிலையை அடையப்போகிறீர்கள். கல்வியில் நீங்கள் காட்டும் அக்கறை, நேர்மை உங்களுக்கு வெற்றியைக் கொண்டு வந்து சேர்த்து உங்களை மகிழ்ச்சிப்படுத்தப் போகிறது. பொது நிகழ்ச்சிகளில் பங்கெடுத்துக்கொள்வதற்கான பெரும் ஆர்வம் உருவாகும். எப்பொழுதுமே உங்கள் திறமையை சிறந்து முறையில் வெளிப்படுத்தும் போது மட்டுமே மற்றவர்கள் உங்கள் மதிப்பை உணர்வார்கள். அதனால் படிப்பில் நீங்கள் உயர் மதிப்பைப் பெறுவதற்கு நல்ல வழியில் உங்களை முன் நிறுத்திக்கொள்ளுங்கள். கல்வியில் சிறந்து விளங்கப் பரிகாரம் : சரஸ்வதி ஹோமம் சுப தினங்கள்: 1, 8, 10, 11, 14, 15, 19, 20, 27, 28, 29 மற்றும் 30 அசுப தினங்கள்: 9, 12, 16, 18, 22, 25 மற்றும் 26