மகரம் ராசி குரு பெயர்ச்சி பலன்கள் 2021 - 2022

கிரகங்களிலேயே பூரண சுபர் மற்றும் சாத்வீக கோளான குரு பகவான் நவம்பர் 21, 2021, ஞாயிற்றுக் கிழமை அன்று மதியம் 02:06 இந்திய நேரப்படி மகர ராசியில் இருந்து கும்ப ராசிக்குப் பெயர்ச்சி ஆகிறார். கும்ப ராசியானது மகர ராசிக்கு தன ஸ்தானம் எனும் இரண்டாம் வீடாக அமைவதால், தன நிலையில் ஏற்றத்தையும் பொருளாதார முன்னேற்றத்தையும் குரு கொடுக்கப்போகிறார். அது மட்டும் அல்லாமல், உத்தியோகம் சரிவர அமையாதவர்களுக்கு நல்ல உத்தியோகத்தையும், நல்ல உத்தியோகத்தில் உள்ளவர்களுக்குப் பெரிய பதவி உயர்வையும் ஏற்படுத்தித் தருவதாக இந்த குருவின் பெயர்ச்சி அமையப்போகிறது. கோள்சார குருவானவர் இரண்டாம் பாவத்தில் நின்று ஐந்தாம் பார்வையாக உத்தியோக ஸ்தானத்தையும், ஏழாம் பார்வையாக ஆயுள் ஸ்தானத்தையும், ஒன்பதாம் பார்வையாக ஜீவன ஸ்தானத்தையும் பார்வையிடப்போகிறார். இந்த குருப்பெயர்ச்சியானது மகர ராசியைச் சார்ந்தவர்களுக்கு தொழில் ரீதியில் நல்ல முன்னேற்றத்தையும், உயில் மூலமான சொத்துக்கள் சேர்க்கையையும் ஏற்படுத்திக் கொடுக்கும் விதமாக அமையப்போகிறது.

வீட்டில் உள்ள பெரியவர்களிடம் கருத்து வேறுபாடுகள் ஏற்படலாம். வாக்குவாதத்தைத் தவிர்ப்பது நன்மை பயக்கும். குழந்தைகளின் உடல் நிலையில் கவனம் தேவை. உறவினர்களிடம் பணம் சம்பந்தப்பட்ட பிரச்சனை ஏற்படலாம். கவனம் தேவை. நண்பர்களிடம் நல்ல சுமுகமான உறவு நிலை இருக்கும். அது உங்களுக்கு மகிழ்ச்சியை அளிக்கும்.

குடும்ப உறவுகள் மேம்பட சுக்கிரன் பூஜை

உத்தியோகத்தில் பணிச்சுமை காரணமாக மனச்சோர்வு மற்றும் தூக்கமின்மை பிரச்சனை ஏற்படலாம். மனச்சோர்வு மற்றும் தூக்கமின்மை பிரச்சனைக்கு தியானம் மற்றும் நடைப் பயிற்சி நன்மை பயக்கும். தாயாருக்கு மூட்டு சம்பந்தப்பட்ட பிரச்சனை ஏற்படும். மருத்துவ ஆலோசனை பெறுவது நன்மை பயக்கும்.

உடல் ஆரோக்கியத்திற்கு புதன் பூஜை

காதல் உறவில் உள்ளவர்கள் தம் துணை மூலமாக ஆதாயம் பெறுவார்கள். காதலர்கள் இன்பச்சுற்றுலா சென்றுவர உகந்த காலகட்டமாக இது உள்ளது. திருமண உறவில் உள்ளவர்களுக்கு இடையே அன்யோன்யம் கூடும். கணவன் மனைவிக்கு இடையே தாம்பத்திய உறவில் நெருக்கம் அதிகரிக்கும்.

கணவன் மனைவியிடையே ஒற்றுமை நிலவ துர்கா பூஜை

உங்களுக்குப் பதவி உயர்வு கிடைக்கும். அதனால் தன வருவாயிலும் ஏற்றம் உண்டாகும். தங்களின் பணப்புழக்கம் அதிகரிக்கும். ஸ்திரமான நிதிநிலை இருக்கும். பெரிய அளவில் நஷ்டங்கள் ஏதும் ஏற்படாது என்பது உங்களுக்கு ஆறுதலான விஷயமாக இருக்கும். உங்கள் சேமிப்பைக் கொண்டு உங்கள் செலவுகளைச் சமாளித்துக் கொள்வீர்கள். குடும்பத்தில் வசதிகள் மற்றும் ஆடம்பரம் பெருகும்.

நிதி நிலையில் ஏற்றம் காண சனி பூஜை

தனியார் துறையில் உத்தியோகத்தில் உள்ளவர்கள் மிகவும் சாதகமான பலன்களை எதிர்பார்க்கலாம். கூட்டுத் தொழிலில் இருப்பவர்கள் அதிக லாபத்தை எதிர்பார்க்கலாம். அரசு உத்தியோகத்தில் உள்ளவர்களுக்கு பதவி உயர்வு கிட்டும். அதன் மூலம் வருமானம் உயரும். சுயதொழில் மற்றும் வியாபாரத்தில் உள்ளவர்களுக்கு நல்ல தன லாபம் கிடைக்கும்.

உத்தியோகம் மற்றும் தொழில் மேன்மைக்கு சிவன் பூஜை

பள்ளிக் கல்வி படிக்கும் மாணவர்களுக்குப் படிப்பில் கவனச் சிதறல்கள் ஏற்படலாம். உயர் கல்வி படிக்கும் மாணவர்கள், ஆசிரியர் மற்றும் பெற்றோரின் ஆதரவைப் பெறுவார்கள். சிறப்பாகப் கல்வி பயின்று வெற்றி காண்பார்கள். படித்து முடித்து வேலை தேடும் மாணவர்கள் சிறந்த சம்பளத்துடன் கூடிய வேலை கிடைக்கப் பெறுவார்கள். வெளிநாடு சென்று படிக்க நினைக்கும் மாணவர்கள் தங்கள் விருப்பம் நிறைவேறக் காண்பார்கள்.

கல்வியில் ஏற்றம் உண்டாக துர்கா பூஜை

குழந்தைகளுக்கு இனிப்பு பதார்த்தங்களை வாங்கிக் கொடுப்பது நன்மை பயக்கும்

வியாழக்கிழமை விரதமிருந்து தட்சிணாமூர்த்தி வழிபாடு செய்யவும்

ஏழை மாணவர்களுக்கு வஸ்திர தானம் செய்யலாம்