தனுசு ராசி குரு பெயர்ச்சி பலன்கள் 2020 - 2021

குரு பகவான் எனப் போற்றப்படும் வியாழன், பல நன்மைகளை அள்ளித் தரும், பூரண சுப கிரகம் ஆவார். இவர், இந்த 2020 நவம்பர் மாதம் 20 ஆம் நாள் வெள்ளிக்கிழமை அன்று, தனுசு ராசியிலிருந்து, மகர ராசிக்குப் பெயர்ச்சி ஆகிறார். மகர ராசி என்பது, இந்த கிரகம் நீசம் அடையும் ராசியாகும். எனினும், குரு பகவான் இங்கு, மகர ராசியை ஆட்சி செய்யும் சனி பகவானுடன் இணைந்து இருப்பதால், குரு இங்கு நீசமடைவது தவிர்க்கப்படுகிறது. இந்தப் பெயர்ச்சியின் காரணமாக, குரு, உங்களது ராசியான தனுசு ராசிக்கு 2 ஆம் வீட்டில் சஞ்சாரம் செய்யத் தொடங்குகிறார். இது உங்களுக்கு சாதகமாக அமையும் எனலாம். இந்த இடத்திலிருந்து குரு பார்வை என்பது, தனுசு ராசிக்கு 6 ஆம், 8 ஆம், மற்றும் 10 ஆம் வீடுகளின் மீது விழுகிறது. இவற்றில், 6 ஆம் வீடு என்பது, நோய், கடன், எதிரிகள் போன்றவற்றையும், 8 ஆம் வீடு என்பது, எதிர்பாராத ஆதாயங்கள் மற்றும் தடைகள் ஆகியவற்றையும், 10 ஆம் வீடு என்பது, வேலை, செயல்கள், கௌரவம் போன்றவற்றையும் குறிக்கிறது.

தனுசு ராசி அன்பர்களுக்கு, இந்தப் பெயர்ச்சி, வேலை, தொழில், குடும்பம், செல்வம், சொத்து போன்றவற்றிற்கு நன்மை தருவதாக அமையும். குடும்பத்தினர் உங்களுக்கு ஒத்துழைப்பு தருவார்கள்; இதனால் குடும்ப ஒற்றுமை ஓங்கும். ஏதாவது பிரச்சனை எழுந்தாலும், உங்களால் அதைத், திறமையாகவும், நாசூக்காகவும் கையாள முடியும். செல்வம், சொத்து போன்றவற்றையும், உங்களால் சேர்க்க முடியும். இந்த நேரத்தில், திடீர் ஆதாயங்கள், எதிர்பாராத பணவரவு போன்றவற்றுக்கும் வாய்ப்பு உள்ளது! சிலரிடம் பரம்பரை சொத்தும் வந்து சேரக் கூடும். சிலர், குடும்ப அல்லது பரம்பரை சொத்துக்கு சட்டப்படியான வாரிசாகும் வாய்ப்பும் உள்ளது. ஆனால் இவை நிறைவேற, சிறிது காலதாமதம் ஆகக்கூடும். பணியைப் பொறுத்தவரை, உங்கள் தீவிர முயற்சி, வேலையில் முன்னேற்றத்தைப் பெற்றுத் தரக் கூடும். இதனால் பதவி உயர்வு, உதிய உயர்வு, விரும்பிய இடமாற்றம் போன்றவைக்கான வாய்ப்புகளும் பிரகாசமாகும். இந்த நேரத்தில் நீங்கள் பல சவாலான பணிகளை ஏற்று நிறைவேற்றுவீர்கள். இதனால் உங்கள் வேலை பளு அதிகரிக்கும் என்பது உண்மை தான். ஆனால், இதற்கான நற்பலன்கள் உங்களுக்குக் கண்டிப்பாகக் கிடைக்கும் என்று நம்பலாம். ஆனால், இதன் காரணமாக மன அழுத்தம் ஏற்படும்படி நடந்து கொள்ள வேண்டாம். பொது வெளியில், உங்கள் கௌரவம், புகழ், அதிகாரம் ஆகியவை உயரக்கூடும். உங்கள் செயல்களுக்கும், நீங்கள் எதிர்பார்த்த படி, குறைந்த காலத்திலேயே பலன் கிடைக்கக் கூடும். இந்தப் பெயர்ச்சி காலத்தில் பரம்பரை சொத்து உங்களிடம் வர வாய்ப்பு உள்ளது என்றாலும், சொத்து எதையும் வாங்குவதற்கு வாய்ப்பு இல்லை. வீடு, நிலம் வாங்குவது, விற்பது போன்றவற்றில் நீங்கள் ஈடுபட்டால், அதானால் அதிக நஷ்டம் ஏற்படக்கூடும். வாகனம் வாங்குவதிலும், இதே நிலைதான். மேலும் அதில் தாமதமும் ஏற்படலாம். எனினும், உங்கள் வீட்டை நீங்கள் புதுப்பிக்க வேண்டியிருக்கலாம். வாகனங்களையும் அடிக்கடி சரி செய்ய வேண்டியிருக்கலாம்.

குடும்ப விஷயங்களில் நல்ல திருப்பம் ஏற்பட்டு, அவை சுமுகமாக இருக்கும். குடும்பத்தினரிடையே கருத்து வேறுபாடுகள் எதுவும் இல்லாமல், அவர்களுக்குள் அதிக ஒத்துழைப்பு காணப்படும். தேவையற்ற வாத விவாதங்களையும் நீங்கள் தவிர்த்து விடுவீர்கள். ஆனால் இதற்கு விதிவிலக்காக, உங்கள் தாய் ஸ்தானத்தில் இருக்கும் சிலர், குடும்ப அமைதிக்குக் குந்தகம் விளைவிக்கலாம். எனினும், குடும்பத்தினருக்கும், மற்றவர்களுக்கும் இடையே நிலவும் உறவும் மேம்படும். மதம், ஆன்மீகம் போன்றவற்றில் அதிக ஈடுபாடு ஏற்படும். உங்களில் சிலர் குடும்பத்துடன் புனிதப் பயணமும் செல்லக்கூடும்.

பரிகாரம்: கனகதாரா பாராயணம் மற்றும் ஸ்ரீசுக்த ஹோமம்

உங்களுக்கு இப்பொழுது, எந்தப் பெரிய நோய் நொடிகளின் பாதிப்பும் இருக்க வாய்ப்பில்லை. இதனால் உங்கள் ஆரோக்கியம் சிறப்பாகவே இருக்கும். இதுபோல, உங்கள் குடும்பத்தினரும் நல்ல உடல்நிலையுடன் இருப்பார்கள். ஆனால் பெற்றோர்கள் அல்லது வயதில் மூத்தவர்கள் ஏதேனும் நோய் வாய்ப்படலாம். குறிப்பாக, வயிற்றின் கீழ்ப்பகுதியில் பிரச்சனைகள் எழலாம். இதைப் புறக்கணித்து விடாமல், உடனடியாகக் கவனித்து, அதற்கு உரிய சிகிச்சை அளித்து, குணப்படுத்துவது அவசியம். பொதுவாக அவர்கள் பாதுகாப்பு குறித்து எச்சரிக்கை தேவை.

பரிகாரம்: முருகன் ஹோமம்

உங்கள் காதல் வாழ்க்கையும், உறவுகளும், பெரும்பாலும் நன்றாகவே இருக்கும். உங்கள் காதலுக்கு, குடும்பத்தினரின் முழு ஆதரவும் கிடைக்கக் கூடும். ஆனால் தங்கள் வாழ்க்கைத் துணையைத் தேடிக் கொண்டிருப்பவர்களுக்கு, அதில் தடைகளும், தாமதமும் ஏற்படலாம். எனவே இதில் வெற்றியடைய, தீவிர முயற்சி தேவைப்படலாம். திருமணத்திற்கான வரனை முடிவு செய்வதிலும், இரண்டு பக்கத்திலும், அதிக புரிந்துணர்வும், பேச்சு வார்த்தைகளும் தேவைப்படும். இது போல, மணவாழ்க்கையிலும், தம்பதிகள் விட்டுக் கொடுத்துப் போவது நல்லது. மணவாழ்க்கையில் கருத்து வேறுபாடுகள் ஏற்பட்டால், இது குறித்து சொந்தமாக முடிவெடுப்பதை விட, மூத்தவர்களில் அறிவுரையைக் கேட்டு நடப்பது நலன் தரும்.

பரிகாரம்: ஸ்ரீ கிருஷ்ண யந்திரம்

சொத்து, சேமிப்பு போன்றவற்றைப் பொறுத்தவரை உங்கள் நிதி நிலை நன்றாக இருக்கும். ஆனால், வருமானம், லாபம் போன்றவை சராசரியாகவே இருக்கக் கூடும். எனவே, உங்களது தற்போதைய பணத் தேவைகளைக் கவனாமாகக் கையாள்வது அவசியம். செலவுகளையும் உங்கள் கட்டுப்பாட்டுக்குள் வைத்துக் கொள்வது அவசியம். இல்லாவிட்டால், பணப் பிரச்சனை அதிகமாகலாம். உங்கள் பொது மற்றும் சமுதாய வாழ்க்கைக்காகவும் நீங்கள் அதிகம் செலவு செய்யக்கூடும். இதுவும் உங்களுக்கு நெருக்கடி தரலாம். வீடு, வாகனம் ஆகியவற்றைப் பழுது பார்ப்பதற்காக, நீங்கள் தேவையற்ற செலவுகளையும் செய்ய வேண்டி வரலாம். பணம், சேமிப்பு போன்றவற்றின் மதிப்பை உணர்ந்து, அவற்றை நன்கு நிர்வகிப்பதற்கு ஏற்ற தருணம் இது எனலாம்.

பரிகாரம்: லக்ஷ்மி ஹோமம்

உங்கள் வேலை சிறந்து விளங்கும். முன்னேற்றத்துக்கான வாய்ப்புகளும் பிரகாசமாக இருக்கும். குடும்பத்தினரின் முழு ஆதரவும், உங்கள் வளர்ச்சிக்குத் துணை புரியும். உங்கள் வேலைத் திறனும், உற்பத்தித் திறனும் அதிகரிக்கும். தினசரி நடவடிக்கைகளிலும், நீங்கள் பெரும் ஆர்வம் காட்டுவீர்கள். ஆனால் தொழிலில், உங்கள் வாய்ப்புகள் சுமாராகவே இருக்கக் கூடும். தொழில், வியாபாரப் போட்டிகள் அதிகம் இருக்காது என்றாலும், நீங்கள் எதிர்பார்த்த லாபம் இப்பொழுது கிடைக்காமல் போகலாம். சிறு விஷயங்களுக்குக் கூட, உணர்ச்சி வசப்படுவதைத் தவிர்ப்பது நல்லது.

பரிகாரம்: காலபைரவ ஹோமம்

படிப்பில் சில தடைகள் கண்டிப்பாக ஏற்படலாம். மாணவர்கள் தாங்கள் விரும்பிய பலனை அடைவதற்கு, கல்வியில் அதிக கவனம் செலுத்துவது அவசியம். மற்ற மாணவர்களுடன் சேர்ந்து கூட்டாகப் படிப்பது நல்ல பலன் தராது. கெட்ட சகவாசங்களிலிருந்தும் ஒதுங்கி இருக்கவும். ஏனெனில் இதனால் சில தீயபழக்க வழக்கங்களுக்கு, நீங்கள் அடிமையாகி விடலாம். இந்த இளம் வயதில், வெளி உலகுடன் அளவுக்கு அதிகமான தொடர்பு ஏற்படுத்திக் கொள்வதும், உங்கள் படிப்புக்கு பாதமாக அமையக்கூடும். மேலும், கல்வி விஷயத்தில், அவசரப்பட்டு, திடீர் முடிவுகளை எடுக்க வேண்டாம்.

பரிகாரம்: சுப்பிரமணிய யந்திரம்

பகவான் விஷ்ணுவையும், சிவபெருமானையும் வழிபடவும்

மஞ்சள் நிற நீல மாணிக்கக் கல்லை (ஸஃபைர்) வலது கை, ஆள்காட்டி விரலில் அணியவும்

பெண்கள் தங்கள் கணவரிடம் அதிக அன்பும், மரியாதையும் காட்டவும்

மூத்த உடன்பிறப்புக்களுடன் சுமுக உறவுடன் இருக்கவும்

குழந்தைகளிடம் அன்பும், பாசமும் காட்டவும்

கீழ்க்கண்டவற்றை, மற்றவர்களுக்கு தானம் செய்யவும்: குங்குமம், மஞ்சள், தங்க நகைகள் அல்லது தங்க நிற நகைகள், பருப்பு வகைகள், மஞ்சள் துணி, உப்பு, சுத்தமான நெய், மஞ்சள் பூக்கள், புஷ்பராகம், புத்தகங்கள்