இந்த உருப்படிகள் உங்கள் பெட்டகத்தில் சேர்க்கப்பட்டது.
மிதுன ராசி அன்பர்களே! மீன ராசியில் சனிப்பெயர்ச்சி உங்கள் ராசியிலிருந்து 10ஆம் வீட்டில் நிகழும். இந்த பெயர்ச்சி மார்ச் 29, 2025 அன்று நிகழும், மற்றும் சனி ஜூன் 3, 2027 வரை மீனத்தில் இருக்கிறார். சனி உங்கள் ராசியிலிருந்து 8 ஆம் வீட்டையும் 9 ஆம் வீட்டையும் ஆட்சி செய்கிறார். சனியின் தாக்கம் காரணமாக நீங்கள் உங்களுக்கென இலக்குகளை அமைத்துக் கொண்டு அதை நோக்கி செயல்படுவீர்கள். உங்கள் ராசிக்கு பத்தாம் வீட்டில் இந்த பெயர்ச்சி நடப்பதால் நீங்கள் பொறுப்புடன் செயல்படுவீர்கள். உங்கள் செயல்கள் அர்த்தமுள்ளதாக இருக்கும். உங்கள் ராசிக்கு சனி சுபராக செயல்படுவதால் நீங்கள் வெற்றிகளைக் காண்பீர்கள் என்றாலும் நீங்கள் அர்ப்பணிப்புடன் கடினமாக உழைத்தால் தான் நேர்மறையான பலன்களைப் பெறுவீர்கள்.
திருமணத்திற்கான முயற்சி கை கூடும். நீண்ட காலமாக திருமண தாமதத்தை சந்தித்தவர்கள் வாழ்வில் திருமணத்தில் இருந்து வந்த தடைகள் நீங்கும். உங்களுக்கேற்ற துணையை நீங்கள் கண்டு கொள்ளலாம். உங்கள் தந்தை உங்களுக்கு ஆதரவாக இருக்கலாம். அவரது அன்பும் அரவணைப்பும் உங்களுக்கு கிட்டும். உடன் பிறந்தவர்களும் உங்களுக்கு ஆதரவாக இருப்பார்கள். உங்கள் தாயுடனான உறவில் நல்லிணக்கம் இருக்க வாய்ப்பில்லை. அவருடன் உங்களுக்கு கருத்து வேறுபாடுகள் ஏற்படலாம். எனவே பொறுமையாக செயல்பட வேண்டும். இந்த சூழ்நிலையை சமாளித்து சிறந்த வலுவான உறவு காண அனுசரித்து நடந்து கொள்வது நல்லது. மேலும் எந்தவொரு கருத்தையும் வெளிப்படையாகவே கூறுவது நல்லது
வாழ்க்கையில் வெற்றி பெற ஆரோக்கியம் மிகவும் முக்கியம். உங்கள் ஆரோக்கியத்தில் சில பின்னடைவுகள் சாத்தியம். எனவே உங்கள் ஆரோக்கியத்திற்கு நீங்கள் முக்கியத்துவம் அளிக்க வேண்டும். யோகா மற்றும் தியானம் மேற்கொள்வதன் மூலம் உங்கள் உடல் மற்றும் மன ஆரோக்கியம் மேம்படும். உங்களுக்கு புத்துணர்ச்சி கிட்டும். மன அழுத்தம் விலகும். ஆரோக்கியமான உணவு உண்ணுங்கள். வயதானவர்களுக்கு உடல் நிலை சீராக நேரம் எடுக்கலாம். குறிப்பாக நாள்பட்ட நோய் உள்ளவர்கள் தங்களை கவனித்துக் கொள்வது அவசியம். சுவர் இருந்தால் தான் சித்திரம் வரைய முடியும். எனவே உங்கள் ஆரோக்கியம் சீராக இருந்தால் தான் வாழ்க்கையை அனுபவிக்க முடியும்.
இந்த காலக்கட்டத்தில் உங்கள் செல்வம் அதிகரிக்கும். என்றாலும் நீங்கள் எச்சரிக்கையுடன் செயல்பட வேண்டும். ஆடம்பர செலவுகளை மேற்கொள்ளும் எண்ணம் உங்களுக்கு வரலாம். அவசர முடிவுகளை நீங்கள் எடுக்கலாம். உங்கள் ஆசைகளை நிறைவேற்றிக் கொள்ள கடன் வாங்காதீர்கள். பணம் சார்ந்த எந்த நடவடிக்கை எடுப்பதற்கு முன்பும் நிபுணர்களின் ஆலோசனை கேட்டு நடந்து கொள்ளுங்கள். தேவையற்ற ஆபத்துகளை அதன் மூலம் தவிர்க்கலாம். கடின உழைப்பின் மூலம் நீங்கள் சம்பாதித்த பணத்தை ஆராய்ந்து பார்த்து முடிவெடுத்து பயன்படுத்துங்கள். கவனமான அணுகுமுறை மேற்கொள்வதன் மூலம் இந்த காலகட்டத்தில் உங்கள் நிதிநிலையை மேம்படுத்திக் கொள்ளலாம்.
இந்த பெயர்ச்சி காலத்தில் நீங்கள் முன்னேற்றம் காண்பீர்கள் என்றாலும் சில தவிர்க்க முடியாத சவால்களையும் நீங்கள் சந்திக்க நேரும். சனி மந்தமான கிரகம் மற்றும் கர்மகாரகன். எனவே நீங்கள் உங்கள் இலக்குகளை அடைய கடின முயற்சி மேற்கொள்ள வேண்டியிருக்கும். சனி நீதி மற்றும் நேர்மையை விரும்புபவர். எனவே உங்கள் செயல்களில் நீங்கள் நியாமாக நடந்து கொள்ள வேண்டும். இந்த காலக்கட்டத்தில் உங்களுக்கு அதிக பணிகள் காணப்படலாம். நீங்கள் மேற்கொள்ளும் கடின உழைப்பிற்கு உடனடி பலன் கிடைக்காவிட்டாலும் உங்கள் தொடர் முயற்சிகளுக்கு நல்ல பலன் கிட்டும். சோதனை காலக்கட்டத்தில் நீங்கள் உங்களுள் இருக்கும் சிறந்ததை வெளிக்கொணர வேண்டும். இது உங்கள் உத்தியோகத்தில் முன்னேற்றத்தைக் கொண்டு வரும்.
இந்த பெயர்ச்சி காலக்கட்டத்தில் உங்களின் கூர்மையான அறிவுத்திறன் மூலம் உங்கள் படைப்பாற்றல் மேம்படும். நீங்கள் கடின உழைப்பை மேற்கொள்வீர்கள். அதற்கான பலனையும் பெறுவீர்கள். உங்கள் கடின உழைப்பிற்கான அங்கீகாரம் பெறுவீர்கள். வெற்றியின் உச்சத்தை அடைவதற்கு கூடுதல் முயற்சி தேவைப்படுகிறது. உங்கள் இலக்குகளில் கவனம் செலுத்துங்கள், பின்னடைவுகள் உங்களைத் தடுக்க அனுமதிக்காதீர்கள், மேலும் உங்கள் திறமைகளை அடுத்த நிலைக்கு உயர்த்த உங்கள் திறன்களை நம்புங்கள். இது அற்புதமான வாய்ப்புகள் நிறைந்த பிரகாசமான எதிர்காலத்திற்கான பாதை. சிறப்புப் படிப்புகளுக்காக வெளிநாடு செல்லும் வாய்ப்பும் உள்ளது.
சனிக்கிழமைகளில் உடல் ஊனமுற்றவர்களுக்கு உணவு தானம் செய்யுங்கள்.
ஒவ்வொரு சனிக்கிழமையும் விநாயகர், அனுமன் மற்றும் சனி பகவானை பிரார்த்தனை செய்து, தினமும் ஹனுமான் சாலிசாவைப் படிக்கவும் அல்லது கேட்கவும்.
சனிக்கிழமைகளில் ஏழைகள் மற்றும் வீடற்றவர்களுக்கு போர்வைகள் மற்றும் துணிகளை தானம் செய்யுங்கள்.
சனிக்கிழமைகளில் மது மற்றும் அசைவ உணவை தவிர்க்கவும்.
நாய்கள், காக்கைகள் மற்றும் பறவைகளுக்கு சனிக்கிழமைகளில் உணவு மற்றும் தண்ணீரைக் கொடுங்கள்.
முதியோர் இல்லங்களுக்கு தொண்டு செய்யுங்கள்.
எங்கள் ஜோதிடர்களின் ஆலோசனைகளைப் பெறுவதன் மூலம், சனிபெயர்ச்சி பலன்களையும், எந்த முக்கிய செயல்களை தற்போது செய்யலாம், எதை தள்ளிப்போடலாம் என்று அறிந்து, அதற்கேற்ப நீங்கள் செயல்பட்டு வாழ்வில் வெற்றி காணலாம்.
உங்களின் ராசிக்கான சனிபெயர்ச்சி 2020-2023 பலன்களை அறியவும், சனிபெயர்ச்சி காரணமாக உங்கள் வாழ்வில் ஏற்படவிருக்கும் முக்கிய நிகழ்வுகளை அறியவும், தனிப்பட்ட பலன்களுக்கு ஆர்டர் செய்யுங்கள்
சனி ஹோமம் செய்வதன் மூலம், சனி அருளால் உங்கள் வாழ்வில் அதிர்ஷ்டம், வெற்றி மற்றும் செல்வம் மேம்படும்
