இந்த உருப்படிகள் உங்கள் பெட்டகத்தில் சேர்க்கப்பட்டது.
ரிஷப ராசி அன்பர்களே! இந்த சனிப்பெயர்ச்சி உங்கள் ராசியிலிருந்து 11ஆம் வீட்டில் நிகழும். இந்த பெயர்ச்சி மார்ச் 29, 2025 அன்று நிகழும், மற்றும் சனி ஜூன் 3, 2027 வரை மீனத்தில் இருக்கிறார். சனி உங்கள் ராசியிலிருந்து 9 ஆம் வீட்டையும் 10 ஆம் வீட்டையும் ஆட்சி செய்கிறார்.தனிப்பட்ட வளர்ச்சியின் காலம் நெருங்குகிறது, உங்கள் அபிலாஷைகள் மற்றும் அவற்றை அடைய நீங்கள் மேற்கொள்ளும் முயற்சிகளை கவனமாக பரிசீலிக்க வேண்டும். சனி உங்கள் 11 வது வீட்டிற்குள் (கனவுகள், குறிக்கோள்கள், ஆசைகள்) சஞ்சரிப்பதால் நீங்கள் உங்கள் இலக்குகளை அமைத்துக் கொள்வீர்கள். உங்கள் செயல்களை திட்டமிட்டு மேற்கொள்வீர்கள். வாய்ப்புகள் சிரமமின்றி எழலாம், ஆனால் அவற்றை முழுமையாக கைப்பற்றுவதற்கு கடின உழைப்பும் பொறுப்பும் தேவை. தாழ்வு மனப்பான்மை, ஈகோ-உந்துதல் உங்கள் வெற்றிகளைத் தடுக்கலாம் என்பதை நினைவில் கொள்ளுங்கள். உங்கள் வெற்றிக்கு வெளிப்புற சக்திகளும் காரணியாக இருக்கலாம் என்பதை நினைவில் கொள்ளுங்கள். சுய நலமாக செயல்படாமல் நன்றியை வெளிப்படுத்துங்கள்.
இந்த பெயர்ச்சி காலத்தில் நீங்கள் சமூக ஈடுபாட்டுடன் செயல்படுவீர்கள். உங்கள் நட்பு வட்டம் விரிவடையும். அதிக நபர்களுடன் தொடர்பு கொள்வீர்கள். இளம் வயதினர் மனதில் காதல் அரும்பு மலரலாம். திருமணத்திற்குக் காத்திருப்பவர்கள் தங்களுக்கு ஏற்ற துணையைக் காணும் வாய்ப்பு உள்ளது. மூத்த உடன்பிறப்புகளின் ஆதரவு இருக்கும். குழந்தைகளுடன் சில கருத்து வேறுபாடுகள் எழலாம். இந்த சூழ்நிலையில் நீங்கள் அனுசரித்து நடந்து கொள்வதன் மூலமும் வெளிப்படையான தகவல் தொடர்பு கொள்வதன் மூலமும் உறவை வலுப்படுத்திக்கொள்ள இயலும்.
இந்த பெயர்ச்சி காலத்தில் அதிக பணிகள் இருந்தாலும் ஓய்விற்கு முக்கியத்துவம் அளிக்க வேண்டும். உங்கள் ஆரோக்கியத்தை மேம்படுத்த உடற் பயிற்சி மேற்கொள்வது நல்லது. நடைப்பயிற்சி, மிதிவண்டி, நீச்சல் அல்லது நடனப் பயிற்சி போன்றவற்றை மேற்கொள்ளலாம். உண்ணும் உணவில் கவனம் செலுத்த வேண்டியது அவசியம். பழங்கள், காய்கறிகள், மற்றும் சிறு தானியங்களை உணவில் சேர்த்துக் கொள்ளுங்கள். பதப்படுத்தப்பட்ட உணவுகள், சர்க்கரை பானங்கள் மற்றும் ஆரோக்கியமற்ற கொழுப்புகளை தவிர்த்து விடுங்கள் அதிகமாக சாப்பிடுவதை தவிருங்கள். உங்கள் ஒட்டுமொத்த ஆரோக்கியத்தை மேம்படுத்த நாள் முழுவதும் நிறைய தண்ணீர் குடிக்க வேண்டும். அத்தியாவசிய வைட்டமின்கள், தாதுக்கள் மற்றும் நார்ச்சத்துக்காக உங்கள் உணவில் அதிக பழங்கள் மற்றும் காய்கறிகளை சேர்த்துக் கொள்ளுங்கள். மன அழுத்தத்தை நிர்வகிப்பதற்கும் உங்கள் ஒட்டுமொத்த நல்வாழ்வை மேம்படுத்துவதற்கும் யோகா அல்லது தியானம் போன்ற செயல்களை மேற்கொள்ளுங்கள்.
சனி உங்கள் ராசிக்கு பதினொன்றாம் வீட்டில் (லாபம் மற்றும் ஆதாயத்தைக் குறிக்கும் வீட்டில்) சஞ்சரிப்பதன் காரணமாக பொருளாதார ரீதியாக நேர்மறையான பலன்கள் கிட்டும் வாய்ப்பு உள்ளது. நிதி முன்னேற்றங்கள் காணப்படலாம். என்றாலும் வெற்றியை அடைவதற்கு விடாமுயற்சி, திட்டமிடல் மற்றும் வெளிப்படையான நிதி இலக்குகள் தேவை. உங்கள் பண வரவில் தாமதங்கள் இருக்கலாம் என்றாலும் அவை நிச்சயம் உங்களுக்கு வந்து சேரும். முதலீடுகளை ஜாக்கிரதையாக மேற்கொள்வதன் மூலம் உங்கள் நிதிநிலை மேம்படும். யதார்த்தமாகவும் தெளிவான கண்ணோட்டத்துடனும் செயல்படுவதன் மூலம் சாதகமான விளைவுகளைக் காணலாம்.
சுயமாக தொழில் செய்யும் நபர்கள் தங்கள் தொழில் வாழ்க்கையில் அதிக ஊக்கத்தையும் ஈடுபாட்டையும் அனுபவிக்கலாம். இருப்பினும், இது அதிக பணிச்சுமைக்கு வழிவகுக்கும். அழுத்தம் இருந்தபோதிலும், வெற்றி மற்றும் நிதி வெகுமதிகள் வரலாம். கிடைக்கும் வாய்ப்புகளை பயன்படுஅத்தி சிறப்பாகச் செயல்பட முயலுங்கள். முன்னேற்றத்தை பாதிக்கக்கூடிய தடைகளுக்கும் தயாராக இருங்கள், ஆனால் நினைவில் கொள்ளுங்கள், சவால்கள் இருந்தாலும் அது உங்கள் இலக்குகளை அடைய வழி வகுக்கும். விடாமுயற்சி மற்றும் கவனத்துடன், செயல்பட வேண்டும். எதிர்காலம், பதவி உயர்வுகள், அதிகரித்த வருமானம் மற்றும் நீண்டகால அபிலாஷைகளை அடைவதற்கான வாய்ப்புகளைக் கொண்டுள்ளது. இருப்பினும், சாத்தியமான பின்னடைவுகள் மற்றும் தாமதங்களை கவனத்தில் கொண்டு செயல்படுங்கள். இது வெற்றிக்கான பாதையில் தற்காலிக தடைகளை ஏற்படுத்தலாம்.
இந்த பெயர்ச்சி காலக்கட்டத்தில் மாணவர்கள் கவனமுடனும் அர்ப்பணிப்பு உணர்வுடன் விடா முயற்சி செய்து படிப்பதன் மூலம் வெற்றி காணலாம். வெளிப்புறக் காரணிகள் உங்கள் படிப்பை பாதிக்காமல் பார்த்துக் கொள்ளுங்கள். நீங்கள் அர்ப்பணிப்பு உணர்வுடன் செயல்பட்டால் உங்கள் இலக்குகளை அடையலாம். ஒரு சில மாணவர்கள் தாங்கள் எதிர்பார்த்த கல்லூரியில் இடம் கிடைக்கப் பெறுவார்கள். வெளி நாடு சென்று கல்வி பயில வேண்டும் என்று நினைக்கும் மாணவர்கள் தங்கள் எண்ணங்கள் ஈடேறக் காண்பார்கள். தங்கள் எல்லைகளை விரிவுபடுத்திக் கொள்வார்கள். போட்டித் தேர்வு எழுதுபவர்கள் தங்கள் முயற்சிகளில் வெற்றி காண மனதை ஒருமுகப்படுத்தி கவனம் சிதறாமல் செயல்பட வேண்டும். மொத்தத்தில் இந்த பெயர்ச்சிக் காலத்தில் மாணவர்களுக்கு விடா முயற்சியும் அர்ப்பணிப்பு உணர்வும் அவசியம்.
சனிக்கிழமைகளில் உடல் ஊனமுற்றவர்களுக்கு உணவு தானம் செய்யுங்கள்.
ஒவ்வொரு சனிக்கிழமையும் கணபதி, அனுமன் மற்றும் சனி பகவானை பிரார்த்தனை செய்து, தினமும் ஹனுமான் சாலிசாவைப் படிக்கவும் அல்லது கேட்கவும்.
சனிக்கிழமைகளில் ஏழைகள் மற்றும் வீடற்றவர்களுக்கு போர்வைகள் மற்றும் துணிகளை தானம் செய்யுங்கள்.
சனிக்கிழமைகளில் மது மற்றும் அசைவ உணவை தவிர்க்கவும்.
நாய்கள், காக்கைகள் மற்றும் பறவைகளுக்கு சனிக்கிழமைகளில் உணவு மற்றும் தண்ணீரைக் கொடுங்கள்.
முதியோர் இல்லங்களுக்கு தொண்டு செய்யுங்கள்.
நீங்கள் எவ்வளவு அதிகமாக ஜெபிக்கிறீர்களோ, அவ்வளவு அதிகமாக பலன் காண்பீர்கள். எனவே பிரார்த்தனைகளுக்கு நேரத்தை செலவிடுங்கள்.
எங்கள் ஜோதிடர்களின் ஆலோசனைகளைப் பெறுவதன் மூலம், சனிபெயர்ச்சி பலன்களையும், எந்த முக்கிய செயல்களை தற்போது செய்யலாம், எதை தள்ளிப்போடலாம் என்று அறிந்து, அதற்கேற்ப நீங்கள் செயல்பட்டு வாழ்வில் வெற்றி காணலாம்.
உங்களின் ராசிக்கான சனிபெயர்ச்சி 2020-2023 பலன்களை அறியவும், சனிபெயர்ச்சி காரணமாக உங்கள் வாழ்வில் ஏற்படவிருக்கும் முக்கிய நிகழ்வுகளை அறியவும், தனிப்பட்ட பலன்களுக்கு ஆர்டர் செய்யுங்கள்
சனி ஹோமம் செய்வதன் மூலம், சனி அருளால் உங்கள் வாழ்வில் அதிர்ஷ்டம், வெற்றி மற்றும் செல்வம் மேம்படும்
