சுக்லபட்ச அஷ்டமியின் முக்கியத்துவம்

சுக்லபட்ச அஷ்டமி என்பது சந்திரனின் வளர்பிறை கட்டத்தில் 8வது திதி மற்றும் துர்கா, பிரத்யங்கிரா மற்றும் வாராஹி போன்ற தேவிகளின் ஆற்றல்களை அணுகுவதற்கான உகந்த நாளாக கருதப்படுகிறது. இந்நாளில் அம்மனை மந்திரம் ஓதுதல், பிரார்த்தனைகள் மற்றும் பூஜைகள் மூலம் வழிபட்டால் தீய சக்திகளிடமிருந்து பாதுகாப்பு பெறலாம். அன்று அம்மனின் அருளைப் பெறுவதன் மூலம் கிரகங்களின் பாதகமான விளைவுகளிலிருந்தும் பாதுகாத்துக் கொள்ள முடியும்.

சுக்ல பட்ச அஷ்டமி

துர்கா, பிரத்யங்கிரா மற்றும் வாராஹி தேவிகளை வழிபடுவதன் முக்கியத்துவம்

துர்கா தேவி, அன்னை பார்வதி தேவியின் உக்கிர வெளிப்பாடாகும். இந்த அன்னை மகிஷாசுரமர்தினியாக, தீய சக்திகளை அழிப்பவள். மகிஷாசுரன் என்ற அரக்கனை ஒழிக்க தேவர்கள் சரணடைந்த ஆதி சக்தி இவள். துர்கா தேவி ஆயுதங்களால் அரக்கனைப் போர்க்களத்தில் கொன்ற நாளான நவராத்திரியின் பத்தாவது நாள் விஜயதசமியாகக் கொண்டாடப்படுகிறது.

பிரத்யங்கிரா தேவி தீய சக்திகளிடமிருந்து பாதுகாப்பை அளிக்கிறாள். காவல் தெய்வமாக விளங்கும் அன்னை ஒரு வலிமைமிக்க பாதுகாவலராக, மாந்திரீகம் மற்றும் அமானுஷ்யத்தின் மோசமான தாக்கங்களிலிருந்து வலுவான கவசமாக நம்மை காக்கிறாள். சிங்க முகத்துடனும் பெண் உடலுடனும் கருமையான நிறம் மற்றும் சிவந்த கண்கள் கொண்டவளாக காட்சி தரும் அன்னை விரைந்து வந்து நமக்கு அருள் புரிபவள்.

வராஹி அன்னை வராகமெனும் பன்றி முகமும், எட்டு கரங்களையும் உடையவர். கருமையான நிறம் கொண்டவள் அனைத்து தீய சக்திகளையும் விரட்டக்கூடியவள். ஆன்மீக ஆர்வலர்களைப் பாதுகாக்க படைக்கப்பட்டவள். ஸ்ரீ வித்யா பாரம்பரியத்தில்,பக்தரை ஆன்மீகத்தின் உச்சத்தில் நெருக்கமாக அழைத்துச் செல்லும் சக்தியாக வாராஹி தேவி கருதப்படுகிறார். தேவியின் அருளாசிகளைப் பெறுவதன் மூலம் முன்னேற்றத்தைத் தடுக்கும் தீய சக்திகளில் இருந்து பாதுகாப்பு பெறலாம். அதிக ஞானத்தை அடையலாம்.

சுக்லபட்ச அஷ்டமியின் சடங்குகள்

சுக்ல பட்ச அஷ்டமியை மாசிக் துர்காஷ்டமி என்றும் அழைப்பர், ஏனெனில் இது துர்கா தேவியை வழிபடுவதற்கு உகந்த நாளாகும். மாசிக் துர்காஷ்டமி விரதம் ஒவ்வொரு மாதமும் வளர்பிறை சந்திரனின் எட்டாவது நாளில் அனுசரிக்கப்படுகிறது, இது சுக்லபட்ச அஷ்டமி என்று அழைக்கப்படுகிறது. இந்த நாளில்,பக்தர்கள் பகல் விரதம் கடைபிடிக்கிறார்கள், இது காலை முதல் மாலை வரை நீடிக்கும். இந்த நாளில் சிறப்பு வழிபாடு செய்வதன் மூலம் தேவியின் அருளைப் பெற முடியும்.

தமிழ் மாதமான ஐப்பசியில் (அக்டோபர் நடுப்பகுதி முதல் நவம்பர் நடுப்பகுதி வரை) வரும் சுக்ல அஷ்டமி மிகவும் புனிதமானதாகக் கருதப்படுகிறது மற்றும் ஒன்பது நாட்கள் நீடிக்கும் நவராத்திரியாக வழிபடப்படுகிறது. இந்த அஷ்டமி மஹாஷ்டமி என்று அழைக்கப்படுகிறது. இந்த நாளில் துர்கா தேவிக்கு சிறப்பு பூஜை செய்யலாம் மற்றும் அல்வா, கீர் போன்ற பிரசாதங்களை நைவேத்தியம் செய்யலாம்.

சுக்ல பட்ச அஷ்டமியுடன் தொடர்புடைய பண்டிகைகள்

ராதாஷ்டமி - விஷ்ணுவின் அவதாரமான கிருஷ்ணரின் நித்திய காதலியான ராதாவின் பிறந்த நாள்.

மாசிக் துர்காஷ்டமி - ஒவ்வொரு மாதமும் சுக்ல பட்ச அஷ்டமி அன்று அன்னை துர்க்கைக்கு விரதம் அனுசரிக்கப்படுகிறது.

சுக்ல பக்ஷ அஷ்டமி விரதத்தைக் கடைப்பிடிப்பதன் பலன்கள்:

இந்த சக்திவாய்ந்த நாளில் அன்னையை வணங்குவதன் மூலம் பின்வரும் பலன்கள் உங்களுக்கு கிடைக்கலாம்.

• ஆரோக்கியம், செல்வம், அமைதி, மகிழ்ச்சி மற்றும் செழிப்பு
• தீய சக்திகளை அழிக்க உதவும்
• ஆசைகளை நிறைவேறும்
• தடைகள் நீங்கும். துன்பத்திலிருந்து விடுபடலாம்
• உறவுகளில் நெருக்கம், தன்னம்பிக்கை மற்றும் வீரம் ஆகியவற்றை மேம்படுத்த உதவும்.
• குழந்தைப் பேறு கிட்டும
• எல்லாவிதமான பிரச்சனைகளையும் துன்பங்களையும் நீக்கும