அமாவாசை 2024 தேதி : புத்தாண்டில் வரும் அமாவாசை நாட்களும், விரதம் கடைபிடிக்க வேண்டிய நேரமும்

January 2, 2024

அமாவாசை கிருஷ்ண பட்சத்தின் இறுதி நாள் ஆகும். இந்த நாள் முன்னோர்களை வணங்கவும் அவர்களுக்கு தர்ப்பணம் அளிக்கவும் உகந்த நாள். தர்ப்பணம் அளித்து முன்னோர்களுக்கு முக்தி என்னும் வீடுபேற்றை அளிப்பதன் மூலம் உங்கள் வாழ்வில் வெற்றி கிட்டும் நாள் அமாவாசை நாள் ஆகும். .

அமாவாசையின் சிறப்பு

அமாவாசை என்பது  உங்கள் தாய்வழி மற்றும் தந்தைவழி மூதாதையர்களுடன் ஒரு பிணைப்பை உருவாக்க ஒரு சக்திவாய்ந்த நேரம். இந்நாளில் எள்ளும் நீரும் கொண்டு தர்ப்பணம் செய்வதன் மூலம் உங்கள் முன்னேற்றத்தில் காணப்படும்  தடைகள் நீங்கும்.  எதிர்மறை ஆற்றல்கள் நீங்கும். உங்கள் முன்னோர்களின் ஆசீர்வாதத்தை நீங்கள் பெறும் நாள் ஆகும். ஆரோக்கியமான, செல்வச் செழிப்பான மற்றும் எதிர்மறையற்ற வாழ்க்கைக்கு. தாய்வழி மற்றும் தந்தைவழி மூதாதையர்களின் ஆசிகள் மிகவும் அவசியம் ஆகிறது. மனிதர்களாகிய, நமது எண்ணங்களில் பெரும்பாலானவை நம் முன்னோர்களிடமிருந்து வந்தவை, ஏனெனில் நாம் அவர்களின் உயிரியல் மரபணுக்களை மட்டுமல்ல, அவர்களின்  ஆன்ம ஆற்றலையும் பெறுகிறோம்.

அமாவாசை விரதம்

அமாவாசை அன்று தர்ப்பணம் மற்றும் விரதம்  மூலம் உங்கள் முன்னோர்களை திருப்திப்படுத்துவது  சிறந்ததாக கருதப்படுகிறது.  அன்று ஒரு புனித நதியில் புனித நீராடுவதன் மூலம் பாவங்கள் தொலைகிறது. அன்று குளித்து முடித்து உணவு தயாரித்து கடவுளுக்கும் மூதாதையர்களுக்கும் படைத்து விட்டு உன்ன வேண்டும். அசைவ உணவுகளை உட்கொள்வதையும் சமையலில் வெங்காயம் அல்லது பூண்டு பயன்படுத்துவதையும் தவிர்க்க வேண்டும்.. அமாவாசை அன்று காகங்களுக்கு உணவளிப்பது மங்களகரமானதாக கருதப்படுகிறது, ஏனெனில் முன்னோர்கள் காகங்களின் வடிவில் பூமிக்கு வந்து நமது பிரசாதத்தை ஏற்றுக்கொள்கிறார்கள் என்று நம்பப்படுகிறது.  ஏழைகளுக்கு அன்னதானம் அளிப்பதும் சிறந்தது.

அமாவாசை விரத பலன்

அமாவாசை அன்று (அமாவாசை நாளில்) விரதம் கடைப்பிடிப்பதும், முன்னோர்களுக்கு தர்ப்பணம் செய்வதும் பின்வரும் பலன்களை அளிக்கும்:

முன்னோர்களை சாந்திபடுத்தி அவர்களின் ஆசிகளைப் பெற உதவும். உங்கள் எண்ணங்கள் நிறைவேறும். தோஷங்கள் மற்றும் தீய சக்திகள் அழியும். நல்ல ஆரோக்கியம், செல்வம், குழந்தைப் பேறு மற்றும் அதிர்ஷ்டம் கிட்டும். வாழ்வின் முன்னேற்றத்தில் காணப்படும் தடைகள் நீங்கும்.

2024 புத்தாண்டில் அமாவாசை 2024 தேதிகள் மற்றும் நேரம் :