2024 பெளர்ணமி நாட்களும் திருவண்ணாமலை கிரிவலம் செல்ல ஏற்ற நேரமும்

January 2, 2024

பௌர்ணமி என்பது முழு நிலவு வானில் ஒளிரும் நாள் ஆகும். இது  ஒவ்வொரு மாதமும் சுக்ல பக்ஷத்தில் வரும் மாதாந்திர பண்டிகையாகும், எனவே பௌர்ணமி  ஒரு வருடத்தில் 12 முறையும், கூடுதல் மாதங்களில் 13 முறையும் கூட ஏற்படலாம். பௌர்ணமியில் முழு நிலவு தரும் பிரகாச ஒளி நம் உள்ளும் புறமும்  ஒளிர பௌர்ணமி வழிபாட்டை நாம் மேற்கொள்கிறோம்.

பௌர்ணமி அன்று எண்ணற்ற வழிபாடுகள் மேற்கொள்ளப்படுகின்றன. இது குல தெய்வ வழிபாட்டிற்கு மிகவும் ஏற்ற நாளாகும். தைப்பூசம், மாசி மகம், சித்ரா பெளர்ணமி, திருக்கார்த்திகை என ஒவ்வொரு மாதத்திலும் வரும் பெளர்ணமிக்கும் ஒவ்வொரு சிறப்பு உண்டு.  சில பிரபலமான மற்றும் முக்கியமான பௌர்ணமி  திதிகள் ஸ்ரீ ஹனுமான் ஜெயந்தி, புத்த பூர்ணிமா, குரு பூர்ணிமா, வியாஸ் பூர்ணிமா, ஷரத் பூர்ணிமா, ரக்ஷா பந்தன், ஸ்ரீ பைரவ ஜெயந்தி, இந்தியாவின் மிகவும் பிரபலமான வண்ணமயமான பண்டிகையான ஹோலியும்  முழு நிலவு நாளில் வருகிறது.

சாதாரண நாட்களை விட பௌர்ணமியில் தெய்வ தரிசனம் சிறந்த பலன்களை தரும். பௌர்ணமியில் விரதம் இருந்து வழிபாடு செய்தால் எண்ணற்ற பலன்களை பெறலாம் ஆலய தரிசனம் செய்வது, கோபுர தரிசனம் செய்வது, ஸ்ரீ சத்ய நாராயணா பூஜையில் பங்கு பெறுதல், காலத்தை நிர்ணயம் செய்யும் ஸ்ரீகால பைரவருக்கு தீபம் ஏற்றி வழிபடுதல், சிவபெருமானை வழிபடுவது, முருகப்பெருமானை வழிபடுவது  மற்றும் மகான்களின் தரிசனம் சிறப்பான பலன்களை தரும். பௌர்ணமியில் மலை மீது பிரபஞ்ச சக்தி அதிகமாக இருக்கும். பௌர்ணமியில் கிரிவலம் வருவது, விரதம் மேற்கொள்வது போன்ற செயல்கள் மனதை தூய்மைப்படுத்துவதாக கூறப்படுகிறது.  

2024 பெளர்ணமி நாட்களும், நேரமும் :