நவராத்திரி:
இறைவிக்கு உகந்த 9 இரவுகள்

மூலாதார சக்கரம் என்பது அடிப்படையான சக்கரம் ஆகும். சூக்ஷ்ம உடலின் ஆதார நிலையில் அமைந்துள்ள இது, சக்தியைக் குறிக்கிறது. இந்த சக்கரத்தை, அன்னை பிராஹ்மி ஆட்சி செய்கிறார். இவரை வழிபடுவது-

• இந்த ஆற்றல் மையம் தொடர்பான தடைகளான கவலை, பயம், பாதுகாப்பாற்ற உணர்வு, ஸ்திரத்தன்மை அற்ற நிலை போன்றவற்றை நீக்கும்
• எளிமை, சந்தோஷம், மற்றும் மன நிம்மதி தரும்

ஸ்வாதிஷ்டான (புனிதச் சடங்குகள் சார்ந்த) சக்கரம் என்பது, இரண்டாவது சக்கரம் ஆகும். வயிற்றின் அடிப்பகுதியில் அமைந்துள்ள இது, ஆசை, இன்பம், மாற்றம், இயக்கம் போன்றவற்றைக் குறிக்கிறது. இந்த சக்கரத்தை, அன்னை வைஷ்ணவி ஆட்சி செய்கிறார். இவரை வழிபடுவது-

• இந்த மையத்தைச் சூழ்ந்துள்ள தடைகளை நீக்கும்
• படைப்பாற்றல், இன்பம், குதூகலம், ஆனந்தம் அளிக்கும்
• மனச் சோர்வு நீங்கத் துணை புரியும்

மணிபூர (தொப்புள்) சக்கரம் என்பது, மூன்றாவது சக்கரம் ஆகும். சோலார் பிளெக்ஸஸ் எனப்படும் வயிற்றுப் பகுதியில் அமைந்துள்ள இது, ஆற்றல், மனோபலம், நம்பிக்கை, உருமாற்றம் ஆகியவற்றைக் குறிக்கிறது. இந்த சக்கரத்தை, அன்னை மகேஷ்வரி ஆட்சி செய்கிறார். இவரை வழிபடுவது-

• சக்தி, சுய கௌரவம், மற்றும் ஆற்றலை மேம்படுத்தும்
• நேர்மறையான ஊக்கம் அளிக்கும்
• நல்ல முடிவெடுக்கும் திறன் அளிக்கும்

அனாகத சக்கரம் என்பது, இதயம் உள்ள பகுதியில் அமைந்துள்ளது. இது, அன்பு, கருணை, மனித நேயம் போன்றவற்றைக் குறிக்கிறது. இந்த சக்கரத்தை, அன்னை வாராஹி ஆட்சி செய்கிறார். இவரை வழிபடுவது-

• பற்றற்ற உணர்வைப் போக்கும்
• அன்பு செலுத்த இயலாத தன்மையை நீக்கும்
• தன் மீதும், பிறர் மீதும் கருணை காட்ட உதவும்

விசுத்த சக்கரம் என்பது, ஐந்தாவது முக்கிய சக்கரம் ஆகும். தொண்டைப் பகுதியில் அமைந்துள்ள இது, தகவல் தொடர்பு, ஒலி தொடர்பான படைப்பாற்றல், பேச்சுத் திறன் போன்றவற்றைக் குறிக்கிறது. இந்த சக்கரத்தை, அன்னை கௌமாரி ஆட்சி செய்கிறார். இவரை வழிபடுவது-

• பொது மேடையில் பேசுவது குறித்த அச்சத்தை விலக்க உதவும்
• கூச்ச சுபாவத்தைப் போக்கும்
• கருத்துக்களை தயக்கமின்றி வெளியிடும் துணிவை அளிக்கும்

ஆக்ஞா சக்கரம் என்பது, நெற்றியில், இரு புருவங்களுக்கு இடையே அமைந்தூள்ளது. ‘மூன்றாவது கண்’ என்று அழைக்கப்படும் இது, உணர்ந்து அறியும் ஆற்றல், உள்ளுணர்வு, கண் பார்வை போன்றவற்றைக் குறிக்கிறது. இந்த சக்கரத்தை, அன்னை இந்த்ராணி ஆட்சி செய்கிறார். இவரை வழிபடுவது-

• பார்வைக் குறைபாடுகளிலிருந்து நிவாரணம் தரும்
• கற்பனைத் திறன், கண் பார்வை ஆகியவற்றை மேம்படுத்தும்
• சிந்தனையில் தெளிவு உண்டாக்கும்

சகஸ்ராரம் அல்லது உச்சந் தலை சக்கரம் என்பது, தலை உச்சியில் அமைந்துள்ளது. இது, உயர்ந்த ஞானம், அறிவாற்றல், புரிந்து கொள்ளும் திறன் போன்றவற்றைக் குறிக்கிறது. இந்த சக்கரத்தை, அன்னை சாமுண்டா ஆட்சி செய்கிறார். இவரை வழிபடுவது-

• கற்பதில் உள்ள குறைபாடுகளைப் போக்கும்
• மனச் சோர்வு, குழப்பத்தை நீக்கும்
• தன் மீதும், பிறர் மீதும் பரிவு கொள்ளும் மனம் கொடுக்கும்

விபரீத பிரத்யங்கிரா தேவியுடன் நீங்கள் தெய்வீகத் தொடர்பு ஏற்படுத்திக் கொள்ளும் பொழுது, நேர்மறைகள், அமைதி, வளம் போன்றவை அளித்து, அவர் உங்களைக் காப்பாற்றுவார். புராணங்களின் படி, இந்த இறைவிக்கு ஹோமம் செய்வது, தீய சக்திகள், துன்பம், மன அழுத்தம் ஆகியவற்றைப் போக்கும்.

துர்கா தேவியின் ஆக்ரோஷ அவதாரமான சண்டி, பெரும் தெய்வமாகத் திகழ்கிறார். சண்டி தேவியை நினைவு கொள்வதே, உங்களைச் சூழ்ந்துள்ள எதிர்மறைகளை அழித்து, பலவகை வளங்களையும், பாதுகாப்பையும் உங்களுக்கு அளிக்க வல்லது. துர்கா சப்தசதி என்றும் அழைக்கப்படும் தேவி மகாத்மியம், தீய சக்திகளை ஒழிக்கும் அன்னையை புகழ்ந்து, போற்றுகிறது. மகிமை வாய்ந்த இந்தப் புராணம், அன்னைக்கும், அசுரர்களுக்கும் இடையே நடைபெற்ற கடும் போரையும், எவ்வாறு அவர் தீய சக்திகளை அழித்து, அமைதியையும், ஆனந்தத்தையும் நிலைநாட்டினார் என்பதையும் விவரிக்கிறது.